Źmicier Daškievič pieradaŭ advakatu skarhi na niestatutnaje abychodžańnie ŭ kałonii
Lidar mižnarodnaj maładziožnaj arhanizacyi «Małady front» (Čechija) Źmicier Daškievič pieradaŭ svajmu advakatu šmatlikija skarhi na niestatutnaje abychodžańnie ŭ kałonii.
Jak paviedamiła namieśnik staršyni «Maładoha frontu» i niaviesta Daškieviča Anastasija Pałažanka, advakat narešcie zmoh sustrecca ź Dźmitryjem viečaram 24 žniŭnia. «Daškievič padaŭ skarhi na nieadnarazovaje parušeńnie administracyjaj papraŭčaj kałonii № 9 jaho prava na abaronu i inšych praduhledžanych zakonam pravoŭ. Akramia hetaha,
Daškievič zajaŭlaje pra nacisk i pravakacyi ŭ dačynieńni da jaho z boku asudžanych»,— skazała Pałažanka.
Pavodle jaje słoŭ, Daškievič napisaŭ skarhi ŭ Hienieralnuju prakuraturu, departamient vykanańnia pakarańniaŭ, va ŭpraŭleńnie ŭłasnaj biaśpieki MUS, u MUS i inšyja struktury.
Pałažanka nahadała, što advakaty nie mahli trapić na spatkańnie da Daškieviča na praciahu apošnich dvuch miesiacaŭ. U suviazi z hetym aktyvisty «Maładoha frontu» navat pravodzili pikiet kala ścien kałonii, padčas jakoha byli zatrymany, a paźniej asudžany i pakarany administracyjnym aryštam.
Niekalki dzion tamu Pałažanka nakiravała ŭ Hienprakuraturu zajavu z patrabavańniem raspačać kryminalnuju spravu ŭ dačynieńni da kiraŭnictva kałonii № 9 u Horkach (Mahiloŭskaja vobłaść), jakoje parušaje prava Daškieviča na abaronu.
Źmicier Daškievič razam z aktyvistam «Maładoha frontu» Eduardam Łobavym byli zatrymany ŭ Minsku za dzień da prezidenckich vybaraŭ, 18 śniežnia 2010 hoda. Ich abvinavacili ŭ źbivańni dvuch minčan. Zatrymańnie maładych palitykaŭ pradstaŭniki apazicyi i pravaabaroncy rascanili jak previentyŭnuju mieru milicyi napiaredadni vybaraŭ i akcyi apazicyi. 24 sakavika sud pryhavaryŭ Daškieviča da dvuch hadoŭ pazbaŭleńnia voli z adbyvańniem pakarańnia ŭ kałonii ahulnaha režymu.
-
U Minsku pradajucca jahady pa 150 rubloŭ za kiłahram
-
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli
-
Staŭ viadomy prysud padpałkoŭniku Čaramnych, jakoha abvinavačvali ŭ zdradzie dziaržavie i ŭ «raspalvańni varožaści» pry hetym
Ciapier čytajuć
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli2
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2323
Kamientary