Kab razhruzić transpartnyja kolcy i zrabić ruch chutčejšym, rajony Minska złučać dadatkovymi šlachapravodami i raźviazkami, dadaduć pałos, raskazali na ANT.
Ciapier budujecca šlachapravod nad čyhunkaj Minsk — Maładziečna. Jak čakajecca, jon uvojdzie ŭ piaciorku samych praciahłych u krainie i złučyć vulicy Kaleśnikava i Ratamskuju, a pa sutnaści — Frunzienski i Centralny rajony. Pry hetym vulica Cimirazieva stanie šaścipałosnaj.
Da kanca hoda novuju chutkaść nabiare i Staravilenski trakt — tramvajnyja šlachi tut pieranosiać, robiać čatyry pałasy.
«Pieršaja čarha budaŭnictva — učastak ad vulicy Navavilenskaj da vulicy Viery Słuckaj. U składzie hetaha abjekta praduhledžvajecca budaŭnictva časovaha razvarotnaha kalca tramvajaŭ. Jano budzie časovym da momantu prajektavańnia, budaŭnictva novaj nitki tramvajaŭ, jakija buduć ruchacca pa vulicy Navavilenskaj u bok kvartała «Paŭnočny bierah»», — adznačyŭ namieśnik načalnika budaŭničaha ŭpraŭleńnia pradpryjemstva «Trest №15 «Śpiecbud»» Dźmitryj Sak.
Pabudujuć šlachapravod ad vulicy Čurlonisa da vulicy Karžanieŭskaha, jaki abjadnaje Maskoŭski i Kastryčnicki rajony.
Taksama budujecca daroha ad MKAD-2 da pramuzłu «Kaladzičy». Uvieści ŭ ekspłuatacyju jaje płanujuć sioleta.
Ciapier čytajuć
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?4
Kamientary