Кіраўнік МЗС Украіны: Кіеў пакуль не бачыць рэальных магчымасцяў для ўваходжання ў Мытны саюз
Рэальных магчымасцяў для ўваходжання Украіны ў Мытны саюз Беларусі, Казахстана і Расіі на сёння няма,заявіў міністр замежных спраў Украіны Канстанцін Грышчанка 5 верасня ў Маскве па выніках сустрэчы з кіраўніком МЗС РФ Сяргеем Лаўровым.
«Мы лічым, што сёння, на жаль, рэальных магчымасцяў для паўнацэннага ўдзелу (Украіны) у Мытным саюзе не існуе. Хаця б з таго факту, што Украіна з’яўляецца членам Сусветнай гандлёвай арганізацыі, а нашы тры
Паводле слоў украінскага міністра, перамовы па Мытным саюзе вядуцца не толькі з Масквой. «Мы гаворым пра нашы адносіны з гэтай структурай (Мытным саюзам), якая аб’ядноўвае ўсе тры краіны. Таму кансультацыі мы вядзем не толькі ў Маскве, але і ў іншых сталіцах і разлічваем на пазітыўны вынік», — сказаў Грышчанка.
Ён нагадаў, што цяпер на ўзроўні экспертаў вядуцца перамовы. «Думаю, што падчас гэтых перамоў аргументы бакоў будуць пачутыя, і мы знойдзем тую формулу, якая будзе адпавядаць нашым агульным жаданням развіваць адносіны паміж дзяржавамі на аснове стратэгічнага партнёрства», — дадаў міністр.
Гаворачы пра перамовы Украіны з ЕС адносна стварэння зоны свабоднага гандлю, Грышчанка паведаміў, што яны ўжо выходзяць на фінішную прамую, і бакам засталося дамовіцца па «невялікім коле пытанняў».
РІА Новости нагадвае, што Украіна, якая ўзяла курс на еўраінтэграцыю, мае намер да канца года падпісаць з ЕС пагадненне аб асацыяцыі, часткай якога павінна стаць палажэнне аб зоне свабоднага гандлю (ЗСГ). Расія з заклапочанасцю ўспрымае імкненне Украіны стварыць ЗСГ з Еўрасаюзам і заяўляе, што будзе вымушана абараняць свае рынкі. Масква запрашае Кіеў у Мытны саюз, членства ў якім, у прыватнасці, забяспечыць Украіне больш нізкія цэны на газ. Тым не менш, Кіеў заяўляе, што не мае намер уваходзіць у МС, прапануючы ўзамен супрацоўніцтва ў фармаце «3+1», што не задавальняе Расію.
Каментары