15 лістапада на базе11-й мінскай гарадской клінічнай бальніцы адкрыецца хоспіс для дарослых.
Як паведаміла намеснік галоўнага ўрача бальніцы Алена Грамыка, ён створаны паводле загаду камітэта аховы здароўя Мінгарвыканкама.
Паводле яе слоў,
хоспіс будзе прымаць анкалагічных хворых з тэрмінальнымі стадыямі чатырох раёнаў Мінска: Фрунзенскага, Маскоўскага, Кастрычніцкага і Цэнтральнага.Задача хоспіса — палепшыць якасць жыцця пацыентаў з неспрыяльным прагнозам цячэння хваробы. Хворым будзе праводзіцца сімптаматычнае лячэнне і абязбольванне, калі гэта неабходна. Як адзначыла Грамыка, скарыстаць паслугі хоспіса можна будзе па накіраванні Мінскага гарадскога клінічнага анкалагічнага дыспансера і іншых устаноў аховы здароўя.
Як паведаміла спецыяліст,
хоспіс на вуліцы Аўтадораўскай, 3а, зможа адначасова размясціць 30 пацыентаў.У ім будуць працаваць урачы паліятыўнай дапамогі, медыцынскія сёстры і малодшы медыцынскі персанал, а таксама псіхолагі. Яны не толькі акажуць дапамогу пацыентам, але і падтрымаюць сваякоў, навучаць правільнаму догляду і зносінам з хворымі.
Будзе працаваць таксама выязная служба хоспіса, у склад якой увойдзе ўрач выязной брыгады і медыцынскія сёстры. Выязная служба зможа кансультаваць пацыентаў дома, медыцынскія сёстры акажуць неабходную дапамогу: апрацуюць пролежні, правядуць перавязкі, паставяць кропельніцы, увядуць прэпараты, якія палепшаць стан хворага.
Як адзначыла спецыяліст, дагэтуль у Мінску дзейнічаў толькі адзін хоспіс для дарослых з анкалагічнымі захворваннямі, размешчаны па вуліцы Стаханаўская, 19.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары