Указам прэзідэнта ад 23 ліпеня № 330 «Аб унясенні змяненняў і дапаўненняў у некаторыя ўказы прэзідэнта Рэспублікі Беларусь» прыведзены ў адпаведнасць з Кодэксам аб шлюбе і сям’і асобныя прававыя нормы.
Паводле звестак
У адпаведнасць з кодэксам прыводзяцца палажэнні ўказа прэзідэнта ад 12 чэрвеня 2006 года № 385 «Аб некаторых мерах па ўдасканаленні працы органаў, якія рэгіструюць акты грамадзянскага стану».
Прыводзяцца ў адпаведнасць палажэнні пераліку адміністрацыйных працэдур, якія ажыццяўляюцца дзяржаўнымі органамі і іншымі арганізацыямі па заявах грамадзян, зацверджанага ўказам ад 26 красавіка 2010 года № 200.
У выніку карэкціроўкі «выключаны нормы, якія ўстанаўліваюць неабходнасць падавання пры рэгістрацыі нараджэння дзіцяці дагавора сурагатнага мацярынства».Гэта звязана з тым, што інфармацыя аб тым, што маці дзіцяці з’яўляецца жанчына, якая заключыла дагавор сурагатнага мацярынства, утрымліваецца ў медыцынскай даведцы аб нараджэнні.
Пры рэгістрацыі шлюбу па месцы жыхарства бацькі асобы, які браў шлюб, выключана неабходнасць падавання дакумента, што сведчыць асобу такога бацькі.
Зараз кодэксам прадугледжана рэгістрацыя шлюбу любым органам ЗАГС па выбары асоб, якія бралі шлюб.
Пералік таксама дапоўнены працэдурай скасавання шлюбу органамі ЗАГС. Гэта робіцца ў сувязі з даваннем кодэксам з 1 студзеня 2013 года органам ЗАГС права скасоўваць шлюб пры наяўнасці згоды мужа і жонкі, якія не маюць агульных непаўналетніх дзяцей і спрэчкі аб маёмасці.
Указ набывае моц 24 ліпеня, за выключэннем палажэнняў, што датычацца скасаванні шлюбу органамі ЗАГС, якія набываюць моц 1 студзеня 2013 года.
Цяпер чытаюць
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм1919
Каментары