На Міхаіла Пашкевіча складзены акт за парушэнне выбарчага заканадаўства
У дачыненні да аднаго з патэнцыяльных кандыдатаў у дэпутаты, актывіста кампаніі «Гавары праўду!» Міхаіла Пашкевіча складзены акт за парушэнне выбарчага заканадаўства.
Паводле яго слоў, ён мае намер вылучыцца кандыдатам у дэпутаты па мінскай Купалаўскай выбарчай акрузе № 95. «Неабходную тысячу подпісаў для вылучэння я сабраў яшчэ на мінулым тыдні, але, нягледзячы на гэта, пачаў ставіць пікеты па зборы подпісаў. Спачатку ўсё ішло нармальна, аднак 30 ліпеня да мяне на пікет з’явілася акруговая выбарчая камісія і склала акт аб датэрміновай агітацыі. Датэрміновай агітацыяй яны палічылі тое, што мая біяграфія складзена не стандартна, і тое, што на пікеце вісеў сцяг кампаніі «Гавары праўду!», — сказаў Пашкевіч.
Ён запатрабаваў ад выбарчай камісіі растлумачыць, які артыкул Выбарчага кодэкса парушыў.«У выніку камісія доўга шукала і ў Выбарчым кодэксе, і ў метадычных матэрыялах ЦВК штосьці аб тым, што выкарыстанне сімволікі — гэта парушэнне закону. Нічога не знайшлі, хоць і выклікалі юрыста. Потым яны патэлефанавалі ў ЦВК і растлумачылі сітуацыю. У ЦВК таксама доўга думалі і не знайшлі нічога лепшага, чым параіць звярнуцца да Мінюста за тлумачэннем, ці з’яўляецца сцяг зарэгістраванай сімволікай», — сказаў Пашкевіч.
Паводле яго слоў, акруговая камісія, склаўшы акт, афіцыйнага папярэджання яму не вынесла.«Яны ўзялі
«Гэтая сітуацыя паказвае агульны ўзровень адукаванасці і дасведчанасці акруговых выбарчых камісій. Спачатку складаюць акт аб парушэнні, а потым пачынаюць шукаць артыкул пад гэты акт. Гэта значыць «быў бы чалавек, а артыкул знойдзецца», — рэзюмаваў Пашкевіч.
Цяпер чытаюць
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі2121
Каментары