Na Michaiła Paškieviča składzieny akt za parušeńnie vybarčaha zakanadaŭstva
U dačynieńni da adnaho z patencyjalnych kandydataŭ u deputaty, aktyvista kampanii «Havary praŭdu!» Michaiła Paškieviča składzieny akt za parušeńnie vybarčaha zakanadaŭstva.
Pavodle jaho słoŭ, jon maje namier vyłučycca kandydatam u deputaty pa minskaj Kupałaŭskaj vybarčaj akruzie № 95. «Nieabchodnuju tysiaču podpisaŭ dla vyłučeńnia ja sabraŭ jašče na minułym tydni, ale, niahledziačy na heta, pačaŭ stavić pikiety pa zbory podpisaŭ. Spačatku ŭsio išło narmalna, adnak 30 lipienia da mianie na pikiet źjaviłasia akruhovaja vybarčaja kamisija i skłała akt ab daterminovaj ahitacyi. Daterminovaj ahitacyjaj jany paličyli toje, što maja bijahrafija składziena nie standartna, i toje, što na pikiecie visieŭ ściah kampanii «Havary praŭdu!», — skazaŭ Paškievič.
Jon zapatrabavaŭ ad vybarčaj kamisii rastłumačyć, jaki artykuł Vybarčaha kodeksa parušyŭ.«U vyniku kamisija doŭha šukała i ŭ Vybarčym kodeksie, i ŭ mietadyčnych materyjałach CVK štości ab tym, što vykarystańnie simvoliki — heta parušeńnie zakonu. Ničoha nie znajšli, choć i vyklikali jurysta. Potym jany patelefanavali ŭ CVK i rastłumačyli situacyju. U CVK taksama doŭha dumali i nie znajšli ničoha lepšaha, čym paraić źviarnucca da Miniusta za tłumačeńniem, ci źjaŭlajecca ściah zarehistravanaj simvolikaj», — skazaŭ Paškievič.
Pavodle jaho słoŭ, akruhovaja kamisija, skłaŭšy akt, aficyjnaha papiaredžańnia jamu nie vyniesła.«Jany ŭziali
«Hetaja situacyja pakazvaje ahulny ŭzrovień adukavanaści i daśviedčanaści akruhovych vybarčych kamisij. Spačatku składajuć akt ab parušeńni, a potym pačynajuć šukać artykuł pad hety akt. Heta značyć «byŭ by čałaviek, a artykuł znojdziecca», — reziumavaŭ Paškievič.
Kamientary