Прадстаўнікі Aргкамітэту «Чарнобыльскага шляху» адвезьлі ў Рэспубліканскі навукова-практычны цэнтар дзіцячай анкалёгіі і гематалёгіі, што ў Бараўлянах, падарункі для хворых дзетак.
У суботу, 21 красавіка, прадстаўнікі Aргкамітэту Чарнобыльскага шляху адвезьлі ў Рэспубліканскі навукова-практычны цэнтар дзіцячай анкалёгіі і гематалёгіі, што ў Бараўлянах, падарункі для хворых дзетак.
Збор кніжак, цацак, вопраткі, рэчаў, аўдыё- і відэапрадукцыі, а таксама грошай для дзяцей з анкалягічнымі захворваньнямі стартаваў на пачатку месяцу. Рэчы прыносілі на сядзібу Партыі БНФ. Прадстаўнік Аргкамітэту Вінцук Вячорка, які адвёз 21 красавіка падарункі ў Бараўляны, кажа, што людзі актыўна адгукнуліся на акцыю. Кіраўнік Партыі БНФ мяркуе, што ладзіць такія акцыі трэба ўвесь час, а ня толькі пад нагоду. «Мы спадзяемся наладзіць трывалыя сувязі з такімі ўстановамі, каб ведаць, якую практычную дапамогу можам аказаць».
* * *
Што варта ведаць тым, хто захоча падтрымаць хворых дзетак.
У Цэнтры прымаюць рэчы, якія можна дэзінфікаваць. Таму ня варта прыносіць драўляныя рэчы, старыя кніжкі. Мяккія цацкі дзеткам дораць на дні народзінаў у цэляфанавых абгортках. Вопратка павінная быць чыстая і цэлая. Ня ўсе дзеці могуць вольна рухацца, таму дарэчы будуць цацкі з дыстанцыйным кіраваньнем.
Бацькі купляюць ў аддзяленьні DVD-прайгравальнікі, таму можна сьмела падарыць малечы дыскі з запісамі.
Некалькі разоў на тыдзень тут ладзяцца забаўляльныя праграмы: дзеці з захапленьнем сустракаюць актораў, сьпевакоў і музыкаў. Варта адзначыць, што і самыя пацыенты больніцы захапляюцца творчасьцю – малюнкам, паэзіяй. Колькі год тут выдаецца калектыўны літаратурны зборнік, які складаецца зь вершаў і апавяданьняў. Некаторых аўтараў ужо няма. Апошняя кніга пад назовам «Бераг надзеі» выйшла напрыканцы мінулага году.
Рэспубліканскі навукова-практычны цэнтар дзіцячай анкалёгіі і гематалёгіі збудаваны супольна на сродкі рэспубліканскага бюджэту і аўстрыйскай дабрачыннай арганізацыі
«Hilfswerk». Дзейнічае 10 год. Тут лечаць дзяцей з усёй Беларусі. На сёньня ў Цэнтры лечацца 160 чалавек.
-
Замест металадахоўкі — дубовая драніца. У цэнтры Віцебска на месцы міліцыі адкрылася кавярня ў бездакорна адноўленым 200‑гадовым будынку
-
«Людзі дамовіліся ў адзін час выйсці ў лакальныя ўчасткі і біць усіх актывістаў». Ігар Лосік расказаў пра бунт у Наваполацкай калоніі
-
Другі вайсковец, які загінуў пры аварыі МАЗа пад Асіповічамі — 21‑гадовы тэнісіст з Віцебска
Цяпер чытаюць
Другі вайсковец, які загінуў пры аварыі МАЗа пад Асіповічамі — 21‑гадовы тэнісіст з Віцебска3
Каментары