Metamarfozy postsavieckaj adukacyi

U jakaści dokazaŭ vysokaha ŭzroŭniu adukacyi nazyvalisia našy rakiety. I toju ž paroju žančyny dušylisia ŭ čerhach pa aŭstryjskija boty, stajali ŭ čarzie ŭ paliklinikach. I dziakuj bohu, što ŭzrovień adukacyi ŭ našych susiedziaŭ nia vyras. Čamu ja tak kažu? A voś čytajcie.

Pakazčyki ŭ sfery adukacyi, jakija abapirajucca adno na talenavitych samarodkaŭ, i analahičnyja pakazčyki ŭ kultury razhortvajuć pierad hetym hramadztvam samyja niesuciašalnyja perspektyvy. Talentaŭ, jak viadoma, šmat nie byvaje. Tym časam vysakaklasnyja specyjalisty patrebny ŭ vialikaj kolkaści i va ŭsich halinach. Toje, što šarahovamu čałavieku nie dała pryroda, paklikany dać vysokaefektyŭnyja technalohii navučańnia, a taksama majsterstva i dośvied vykładčykaŭ. U suviazi z tym davodzicca nazirać, jak zachodnija studenty, realizujučy svaje hramadzianskija pravy, źviartajucca da ŭładaŭ svaich krain z patrabavańniem pavyšeńnia jakaści adukacyi. Zvaroty hetyja čaściakom vylivajucca ŭ masavyja demanstracyi.

Kryter acenki ŭzroŭniu adukacyi ščylna źviazany z praktyčnymi vynikami ekanamičnaj dziejnaści. Va ŭsich na pamiaci zabojny arhument savieckaj prapahandy: u jakaści arhumentaŭ vysokaha ŭzroŭniu adukacyi nazyvałasia, kolki razoŭ našy rakiety mohuć źniščyć Zachad. I toju ž paroju savieckija žančyny dušylisia ŭ čerhach pa aŭstryjskija boty, chapajučy adna adnu za vałasy, u paliklinikach, dzie ŭstaloŭvali japonskuju aparaturu, savieckija hramadzianie hadami stajali ŭ čarzie, kab prajści abśledavańnie.

Paru hadoŭ tamu ŭvieś śviet pieražyvaŭ za los sijamskich bliźniat, jakim była zroblena aperacyja pa raźjadnańni. Zaŭvažym, što aperacyja prachodziła ŭ krainie ź nia samym vysokim uzroŭniem adukacyi i nie ŭ staličnym horadzie. Ekstrapalujučy hetuju sytuacyju na Biełaruś, zadamosia pytańniem: ci mahčyma b było pravieści takuju aperacyju ŭ našaj pravincyi?

Toje samaje i ŭ militarnaj sfery. Nia tak daŭno pa TB pakazali dvuch hienerałaŭ — rasiejskaha j amerykanskaha, jakija apaviadali pra druhuju čačenskuju dy irackuju vojny. Pieršy ź ich mieŭ savieckuju («najlepšuju ŭ śviecie») vajennuju adukacyju, druhi zakončyŭ akademiju ŭ Vest-Pojnt i vajenny fakultet Harvardu. Pieršaha było paprostu ciažka słuchać, druhi ŭraziŭ svajoj erudycyjaj i prafesijnym padychodam da spravy.

Taksama chaciełasia b zhadać mastactva. U Savieckim Sajuzie, biezumoŭna, była najlepšaja ŭ śviecie mastackaja samadziejnaść. Adnak vysokuju rysku na škale ŭzroŭniu adukacyi i kultury zajmajuć nie viaskovyja prypieŭki, a dałučanaść ludziej da vyšejšych duchova-estetyčnych kaštoŭnaściaŭ, u pryvatnaści, da symfaničnaj muzyki, opery, džazu, da šedeŭraŭ suśvietnaha mastactva. Premjer-ministar Japonii Kaidzumi padčas sustrečy «vialikaj vaśmiorki», znachodziačysia ŭ humory, śpiavaŭ kaleham frahmenty z opery Verdzi i pa-estecku razvažaŭ na temu fartepijannych kancertaŭ Čajkoŭskaha. Takija pasažy premjera — vidavočnaja prymieta vysokaha ŭzroŭniu adukacyi ŭ krainie, jakuju jon reprezentuje.

Sučasnaja historyja, adnak, viedaje i paradoksy, kali dziakujučy nienajlepšamu ŭ śviecie ŭzroŭniu adukacyi ŭ adnoj krainie źjaviłasia bliskučaja perspektyva raźvićcia krainy-susiedki. Chtości ŭ niejkaj labaratoryi čahości nie dasypaŭ, nia tak zamiašaŭ, i ŭ vyniku ŭkrainski palityk V.Juščanka zastaŭsia žyvym i zaniaŭ prezydenckaje kresła.

Uładzimier Amosaŭ, Połacak

• 0
• 0
• 0
• 0
• 0
• 0
• 0
• 0