Biez adukacyi, zatoje z hrašyma: ci zarablajuć kasiry ŭ kramach pa $700—1000, jak toje abiacajuć u rekłamie?

Niekalki hadoŭ tamu pa dadatkovy dachod biełarusy išli ŭ raspaŭsiudniki łatarejnych biletaŭ. Na ŭdałym miescy možna było atrymać siaredniuju zarpłatu.

Ciapier ža, kali mierkavać pa abjavach u staličnym mietro, ledź nie samaja zapatrabavanaja i prybytkovaja praca ŭ Minsku — kasir-kantralor.

«Ad 5 miljonaŭ rubloŭ» — heta prapanova «Jeŭraopta». «Vopyt pracy, zarpłata 6 miljonaŭ» — a heta ŭžo nabiraje ludziej «Vitalur».

Pryčym u handlovyja sietki šukajuć jašče i achoŭnikaŭ, hruzčykaŭ, abvalščykaŭ miasa, kucharaŭ… Adkryvajucca ŭsio novyja i novyja kramy, tamu supracoŭnikaŭ katastrafična brakuje. Pryciahvać moładź udajecca tolki vysokimi zarobkami.

Jašče ŭ studzieni 2012 hoda dyrektar «Jeŭrahandlu» Andrej Zubkoŭ kazaŭ, što najlepšyja supracoŭniki ŭ kramach «Jeŭraopt» atrymlivajuć pa $1000.

Ci nasamreč ja zmahu atrymlivać takija hrošy navat biez adpaviednaj adukacyi? Pačynaju abtelefanoŭvać adździeły kadraŭ handlovych sietak. Zvanok u «Hipa». «Vopyt pracy jość?» — «Nie…» — «Zaraz pieradnavahodni miesiac, času na navučańnie niama. Patrebnyja kasiry, kab adrazu vyjści na pracu na poŭnuju zaniataść». Padobnuju arhumientacyju čuju jašče ŭ adnoj sietcy, dzie mnie rajać źviartacca paśla Novaha hoda.

U «Susiedziach» hatovyja da taho, što ŭ mianie adukacyi niama, tamu prapanujuć prajści stažyroŭku.

Dla «Rubloŭskaha» raskazvaju, što ja małady kasir, raniej pracavaŭ u rajcentry, a ciapier źbirajusia skaryć stalicu. «Pryjazdžajcie na sumoŭje. Napeŭna, vy nam padydziecie», — čuju radasny hołas u słuchaŭcy. «A zarobak jaki?» — «Startavy budzie 3,85 miljona. Ale buduć jašče i inšyja vypłaty. Realna budziecie zarablać bolš. Hrafik pracy — dva dni praz dva».

Ciapier čas parazmaŭlać z tymi, chto ŭžo nie pieršy miesiac pravodzić za kasaj. «Ja pracuju ŭžo hod. Ale ciakučka ŭ kramie takaja, što z času majho prychodu pazvalnialisia amal usie,

Kasiry narakajuć, što štrafy čaściakom źjadajuć ilvinuju častku zarobku. Niastača ŭ kasie, chvilinnaje spaźnieńnie, skarha klijenta — paśla ŭsich vyličvańniaŭ u niespraktykavanych supracoŭnikaŭ na rukach zastajecca pałova abiacanaha zarobku, dobra kali 4 miljony rubloŭ. Ale z časam pryvykajuć i da hetaha. «Takija hrošy — amal $600 — biez adukacyi ja naŭrad ci dzie-niebudź atrymaju, — pryznajecca Iryna, jakaja ŭładkavałasia ŭ „Karonu“. — A toj, chto ra-zumniejšy, idzie ŭ kiraŭnictva našych kramaŭ. U paraŭnańni ź ichnimi zarobkami my majem kapiejki».

• 1
• 0
• 0
• 0
• 0
• 0
• 0
• 0