Ciabru Vialikaj Rady Zhurtavańnia biełaruŭ śvietu «Baćkaŭščyna», staršyni Tavarystva biełaruskaj kultury ŭ Litvie Chviedaru Niuńku 6 śniežnia ŭ Biełaruskim pasolstvie ŭ Vilni (Litva) admovili ŭ vydačy ŭjaznoj vizy ŭ Biełaruś. Viza musiła być aformlena pa zaprašeńni Zhurtavańnia biełarusaŭ śvietu «Baćkaŭščyna».
«Ja sam da ich nie naprošvaŭsia, — havoryć Chviedar Niuńka, — pry sustrečy z pasłom Biełarusi ŭ Litvie Uładzimiram Dražynym ja tak jamu i skazaŭ, što, kali jość niejki ŭkaz, kab mnie nie davać vizu, to lepiej adrazu skažycie, kab ja nie biehaŭ, jak chłopčyk, ale mianie zapeŭnili, što nijakich prablem nie budzie».
Chviedar Niuńka raspavioŭ, što jamu patelefanavali z pasolstva i zaprasili na sustreču dla atrymańnia vizy, adnak na miescy vyśvietliłasia, što adrazu mohuć vydać vizu tolki na try miesiacy, a dla hadavoj vizy patrebna pradstavić dadatkovyja dakumienty, jakija b paćviardžali supracoŭnictva Tavarystva biełaruskaj kultury ŭ Litvie z MHA «ZBS «Baćkaŭščyna» . Takija dakumienty byli pradstaŭleny, adnak 6 śniežnia supracoŭniki pasolstva paviedamili Chviedaru Niuńku, što ŭ vizie jamu admoŭlena.
«Ja ŭžo daŭno maju prablemy z atrymańniem biełaruskaj vizy. Apošni raz ja pryjazdžaŭ u Biełaruś pa adnarazovaj vizie hady dva tamu, dy i toje ja sam nie zmoh jaje aformić, a tolki pry spryjańni patrebnaj asoby, — pryhadvaje Chviedar Jakubavič. — A doŭhaterminovaj vizy ŭ mianie niama ŭžo hadoŭ piać».
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie14
Kamientary