Bolš za pałovu z hetaj kolkaści źnieśli ŭ Viciebskaj vobłasci — 4115 damoŭ.
Jak paviedamili karespandentu «Źviazdy» ŭ adździele dziaržaŭnaha kantrolu za vykarystańniem i achovaj ziamiel i hieadezičnaha nahladu Dziaržaŭnaha kamiteta pa majomasci Biełarusi, pa stanu na 1 lipienia ŭ krainie sioleta śpiecyjalnymi kamisijami było abśledavana 22 535 nasielenych punktaŭ. Paśla praviedzienaj maštabnaj raboty haspadarami pustoha žylla było nakiravana ŭ sielvykankamy 45 446 zajaŭ ab namiery vykarystoŭvać žyłyja damy dla pastajannaha abo siezonnaha pražyvańnia.
U vyznačanych nasielenych punktach śpiecyjalisty abśledavali 66 278 damoŭ, pa jakich u miascovych uładaŭ byli pytanni. U vyniku abśledavańnia 17 630 pabudoŭ atrymali zaklučeńnie ab tym, što ŭ hetych damach nichto nie žyvie. Adnak z hetaj kolkasci abjektaŭ nieruchomasci tolki 4108 damoŭ trapili ŭ śpiecyjalny rehistr pustych damoŭ. Sprava ŭ tym, što vialikaja kolkaść haspadaroŭ źviartałasia ŭ vykankamy paśla publikacyi ŭ miascovaj haziecie danych ab mahčymym uklučenni ŭ rehistr ich damoŭ jak pustujučych.
Vykankamy razhledzieli tolki 7580 zaklučeńniaŭ śpiecyjalnych kamisij. Akramia taho, zaraz u miascovych srodkach masavaj infarmacyi raźmieščany paviedamleńni ab 5612 damach, jakija mohuć trapić u rehistr pustych. Paśla kančatkovaha ŭklučeńnia pustych damoŭ u śpiecyjalny rehistr miascovyja ŭłady pavinny buduć naładzić prodaž hetych abjektaŭ nieruchomasci, u tym liku i praź miechanizm aŭkcyjonaŭ. Najbolš aktyŭna baraćbu z pustym žyllom u vioscy naładzili ŭ zachodnim rehijonie krainy. U Bresckaj vobłasci było składziena 7569 zaklučeńniaŭ ab pustych damach, u Mahiloŭskaj — 3394, u Minskaj — 2874.
Siońnia ŭ krainie za paŭhodździe źniesiena 7963 staryja damy. Bolš za pałovu z hetaj kolkasci było źniesiena ŭ Viciebskaj vobłasci — 4115 damoŭ. Uvohule, siońnia ŭ krainie naličvajecca 41 260 starych damoŭ…
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy20
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary