Štohadovy skulpturny plener «Lehienda ź piasku» płanavałasia pravieści z 13 pa 15 lipienia ŭ Harodni. Adnak u apošni momant stała viadoma, što maładym skulptaram i studentam nie dali dazvołu na praviadzieńnie takoj unikalnaj akcyi.
Adnak u apošni momant stała viadoma, što maładym skulptaram i studentam nie dali dazvołu na praviadzieńnie takoj unikalnaj akcyi. Takim čynam Harodnia — adinaje miesca na Biełarusi, dzie haradskija ŭłady chočuć zabaranić praviadzieńnie hetaj tradycyjnaj mastackaj akcyi.
Kiraŭnik prajektu Henik Łojka nie hublaje aptymizmu i praciahvaje pieramovy z čynoŭnikami ad kultury. Prynamsi, jak paviedamlaje Radyjo Racyja, na miesca, dzie płanavałasia stvaryć skulpturnuju kampazicyju ź piasku — a heta bierah Niomana niepadaloku ad Haradzienskaha dramteatra — mahčyma prybudzie kiraŭnictva horada i tadu budzie pryniata kančatkovaje rašeńnie.
Nahadajem, što skulpturny plener «Lehienda ź piasku»—heta supołka maładych majstroŭ, studentaŭ dy školnikaŭ pad kiraŭnictvam Henika Łojki. Štohod ŭ roznych miaścinach Biełarusi ( i nie tolki!) jany stvarajuć ź piasku biełaruskija lehiendy i pakidajuć ich miascovym žycharam.
Jak paviedamlaje PC «Viasna», pačynajučy z 2000‑ha hodu zładžana ŭžo 8 pleneraŭ. Siarod jakich: «Rahnieda» (była ŭ Zasłaŭi, tam, dzie jana pamierła roŭna tysiaču hadoŭ nazad), «Mahiła lva»(na bierazie Śviatoha voziera byŭ stvorany lehiendarny Mašeka, jahonaja Natałka i kryłaty leŭ, što achoŭvaŭ ich son), «Karona Mindoŭha» (u pieršaj stalicy Vialikaha kniastva Litoŭskaha — u Navahradku), «Skuty Kiejstut»(U Krevie pad zamkavaj ścianoj), «Cmok» na bierazie Soža ŭ Homieli dy inšyja.
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami10
Kamientary