Siońnia, pavodle paviedamleńniaŭ rasiejskich ŚMI, u Maskvie prajšli pieramovy pradstaŭnikoŭ «Hazpramu» i «Biełtranshazu».
U składzie biełaruskaj delehacyi byli hienieralny dyrektar «Biełtranshazu» Źmicier Kazakoŭ, jaho namieśnik Vinieryj Vałčuha, a taksama načalnik adździeła ekanamičnaha analizu, prahnozu i raspracoŭki ekanamičnych normaŭ Juryj Lašenka. Miž tym ni ŭ «Biełtranshazie», ni ŭ «Hazpramie» nie stali davać kamientaryjaŭ na hety kont.
Nieaficyjnyja krynicy paviedamlajuć, što biełaruski bok prapanuje źmianić umovy apłaty za pastaŭleny z Rasii haz. Paviedamlajecca taksama, što rasijski bok u svaju čarhu maje namier pavysić u vieraśni ceny na haz dla Biełarusi da suśvietnaha ŭzroŭniu — 280 dołaraŭ za tysiaču kubamietraŭ.
Sioleta u pieršym paŭhodździ naša kraina apłačvała tolki 55% kantraktnaj cany i pierajšła na poŭnuju apłatu — 100 dołaraŭ za tyjasču kuboŭ — tolki ad pieršaha lipienia. Niahledziačy na heta ŭžo ŭ traŭni doŭh pierad «Hazpramam» dasiahnuŭ 400 miljonaŭ dołaraŭ. Varta zaznačyć, što ŭžo amal dva miesiacy Biełaruś namahajecca atrymać rasijski kredyt u paŭtara miljarda dołaraŭ, kab spłacić daŭhi.
-
Na Biełastoččynie prajšoŭ fiestyval biełaruskaj tradycyi Soncahraj FOTY
-
Žonka Alaksandra Milinkieviča raskazała pra jahony stan: pamiać zachavałasia, ale z ruchalnym aparatam vialikija prablemy
-
«Ja ŭ kałonii byŭ bolš volny». Były palitviazień Tamaz Pipija raskazaŭ pra 6 hadoŭ za kratami i novuju paranaidalnuju biełaruskuju realnaść
Kamientary