Novym premjeram stanie hałoŭny milicyjant?
Pavodle "Kommiersanta", ukaz pra adstaŭku Sidorskaha ŭžo lažyć na stale prezydenta Biełarusi. Piša ŭ svaim błohu Alaksandar Kłaskoŭski.
Pavodle "Kommiersanta", na stale prezydenta Biełarusi ŭžo lažyć ukaz pra adstaŭku Sidorskaha. Maskoŭskaje vydańnie nazyvaje ekzatyčnuju fihuru imaviernaha pierajemnika: Uładzimier Navumaŭ.
Lohika, maŭlaŭ, takaja: raniejšaha premjera možna zrabić achviarnym kazłom (hazavyja daŭhi, admoŭnaje salda zamiežnaha handlu, uvohule narastańnie hruzu ekanamičnych prablemaŭ), a novy kiraŭnik uradu pačnie naśpiełuju pryvatyzacyju. Naturalna, nahladać za hetym dalikatnym pracesam musić čałaviek, jakomu kiraŭnik dziaržavy biaźmiežna daviaraje. A Navumaŭ zaraz akurat u favory, miarkujučy pa razhromnym vyniku matču MUS — KHB.
Kaniešnie, versiju ""Kommiersanta" možna asprečyć. Litaralna ŭčora Sidorski dakładaŭ Łukašenku pra stan ekanomiki. Balšyniu sakralnych pakaźnikaŭ (akramia čortavaha salda) pakul što šencić trymać. Kali ŭžo rabić premjera krajnim, to lahična było b dačakacca zimy, "žyrovak" z šalonymi ličbami i h.d.
Ź inšaha boku, sakralnyja pakaźniki — skažam tak — nie zusim adekvatna adlustroŭvajuć sapraŭdny stan ekanomiki. Nasamreč jon značna bolej prablemny dy chistki. Zapusk pracesu pryvatyzacyi sapraŭdy dapamoh by źmiakčyć nastupstvy skaračeńnia enerhietyčnaha hrantu.
"Sidorskaha "nakiroŭvali" ŭ adstaŭku ŭžo nie raz, — nahadaŭ analityk Valer Karbalevič, ź jakim ja razmaŭlaŭ piać chvilin tamu. — Zrešty, luby premjer ź ciaham času nabyvaje niejkuju palityčnuju vahu. Tamu Łukašenka peryjadyčna ich mianiaje. U hetym sensie Sidorski sapraŭdy ŭžo doŭhažychar".
Sa słoŭ analityka, u biełaruskaj systemie dziejničaje vielmi specyfičnaja kadravaja lohika. Tak što i były milicyjant na čale Savietu ministraŭ — nie fantastyčny varyjant.
Dyk što, kiraŭnik dziaržavy saśpieŭ, kab admovicca ad raniejšaj sacyjalistyčnaj, antypryvatyzacyjnaj idealohii (nie damo raspradać krainu i h.d.)?
Idealohija tut ni pry čym, ličyć Karbalevič. Dziejničaje adno što lohika ŭtrymańnia ŭłady. Kali ryzyka kanservacyi stasus-kvo zaškalić, pakrysie pačniecca prodaž majomaści.
Dadamo: napiaredadni startu pryvatyzacyi važna zacuhlać apetyty kłanaŭ. Adsiul seryja pasadak i kadravych pieratrusaŭ. Klučavyja tezy: 1) u krainie nia musić być inšych centraŭ siły; 2) kali što, "ruki buduć adsiečanyja da plačej!"
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy20
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary