Pastka dla prezydenta

Sucharenka syšoŭ, ale sprava jahonaja žyvie. Mo' chto zabyŭsia: mienavita jon prezentavaŭ pry kancy 2005 hodu zakanadaŭčyja naveli, jakija, u pryvatnaści, ustalavali kryminalnaje pakarańnie (da dvuch hadoŭ za kratami!) za ŭdzieł u niezarehistravanaj arhanizacyi.

U medyjach hetyja drakonaŭskija naveli akurat i nazyvali tady "papraŭkami Sucharenki". Nieŭzabavie pad artykuł patrapili aktyvisty "Partnerstva". Potym – lider "MF" Źmicier Daškievič. Siońnia hety damokłaŭ mieč visić nad aktyvistami "MF" Ivanam Šyłam, Nastaj Azarkaj, Jarasłavam Hryščeniem...

Zvyš taho, napiaredadni 27 lipienia znoŭ ŭžytaje noŭ-chaŭ siłavikoŭ, vyprabavanaje pierad vybarami-2006 i potym jašče raz skarystanaje sioleta pierad Dniom Voli. Pa 15 sutak Sieviaryncu i Šeinu, zatrymańni dy aryšty jašče šerahu moładzievych aktyvistaŭ – jak bačym, znoŭ vymaloŭvajucca abrysy šyrokaj preventyŭnaj začystki. Maralite prostaje: niama čaho "šałudzivym ludziam" śviatkavać niezaležnaść pa-svojmu! (Heta znoŭ ža da pytańnia pra słavutuju "kansalidacyju". U nas zaŭždy – kansalidacyja ź filtracyjaj:)

Karaciej, źmiena fihuraŭ na čale siłavych viedamstvaŭ nijak nie adbivajecca na ich metach dy metadach. Zaŭvažcie: na razbory palotaŭ u KHB hetaje viedamstva atrymała pa poŭnaj prahramie za što tolki možna: stratu prafesyjanalizmu, niaŭmieńnie zachoŭvać tajamnicy, "kryšavańnie" biznesu – ale ni ŭ jakim razie nie za "dochłych pacukoŭ". Baraćba suprać palityčnych apanentaŭ – heta ŭ vačoch ułady akurat toj vypadak, kali ŭsie srodki dobryja.

Mienavita dziela hetaj "śviatoj" misii specsłužby, inšyja siłavyja struktury atrymlivajuć kart-blanš. Ale akurat tut, jak zaznačaje analityk Valer Karbalevič, toicca systemnaja pastka dla aŭtarytarnaha lidera. Bo, atrymaŭšy mandat na ŭsiedazvolenaść, henyja struktury pačynajuć ładzić i ŭłasnuju hulniu, pieratvarajucca ŭ kastu z daminavańniem karyślivych karparacyjnych intaresaŭ. Nie vypadkova na tym razbory palotaŭ była tak emacyjna akcentavanaja dumka pra niedapuščalnaść paralelnych centraŭ siły. Na peŭnym etapie, u peŭny momant "svaja hulnia" specsłužbaŭ moža stać niebiaśpiečnaj i dla hałoŭnaha kanstruktara Systemy.

ZY. Toj samy Valer Karbalevič pradkazaŭ, što "adliha" skončycca paśla 21 červienia, z pazbaŭleńniem handlovych preferencyjaŭ. Na toje i vyhladaje...

Jak u vadu hladzieŭ i palitolah Uładzimier Roŭda, jaki skazaŭ mnie ŭ traŭni, kali vymaloŭvaŭsia miakki prysud hrupie aktyvistaŭ "MF" (tady ŭ kaho-kolviek byŭ momant eŭfaryi z nahody "adlihi"): "Siońnia ŭ biełaruskaha kiraŭnictva dobry nastroj, a zaŭtra moža być drenny".

Demakratyja, pry ŭsich jejnych chibach, dobraja tym, što hramadzstva značna mieniej zaležyć ad nastroju kiraŭnictva:) Chutčej naadvarot: los kiroŭnych kresłaŭ całkam zaležyć ad nastroju hramadztva.

• 0
• 0
• 0
• 0
• 0
• 0
• 0
• 0