Siońnia prajšło pasiedžańnie Saŭminu, na jakim padvodzilisia vyniki sacyjalna‑ekanamičnaha raźvićcia krainy ŭ pieršym paŭhodździ.
«Faktyčna treć ekanomiki stratnaja», — zajaviŭ premjer‑ministr Siarhiej Sidorski 31 lipienia na pasiadžeńni Savieta ministraŭ, na jakim padvodzilisia vyniki sacyjalna‑ekanamičnaha raźvićcia krainy ŭ pieršym paŭhodździ. Pra heta paviedamili aficyjnyja krynicy.
Premjer‑ministr pryznaŭ, što kolkaść stratnych pradpryjemstvaŭ skaračajecca — hety pakazčyk siońnia znachodzicca na ŭzroŭni 17‑18%. Adnak, pavodle jaho słoŭ, situacyja ŭ kankretnych viedamstvach vyhladaje inakš. Tak, u sistemie Ministerstva pramysłovaści 31% stratnych pradpryjemstvaŭ. «Heta značyć, faktyčna treć ekanomiki stratnaja. I kali adkinuć nievialikija subjekty haspadarańnia, kafe, stałovyja, to za ahulnymi ličbami my bačym u cełym niespryjalnuju situacyju, — skazaŭ premjer‑ministr. — Takoje stanovišča nie moža nas zadavalniać. Tamu my pavinny ŭvažliva pahladzieć i praanalizavać pracu hetych pradpryjemstvaŭ».
Vyrašeńnie hetaj zadačy, a taksama vykanańnie inšych finansava‑ekanamičnych pakazčykaŭ dazvolić u druhim paŭhodździ dasiahnuć zapłanavanaha vyniku, ličyć S.Sidorski.
Ciapier čytajuć
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary