Biełaruskaja salidarnaść: 80 čałaviek dapamahli Alesiu Jaŭdachu ŭ spłacie štrafu
Ale da knihara vystavili novuju pretenziju.
Pa słovach Alesia, jon vypłaciŭ sumu ŭ patrebny termin, ale sudovyja vykanaŭcy paličyli, što jon praterminavaŭ. Za heta jany patrabujuć spłacić jašče piać pracentaŭ ad sumy štrafu.
Tamu nie viarnuli kanfiskavany sistemny błok i jašče spahaniajuć 2,7 młn rubloŭ.
Aleś z hetym nie zhodny i padaŭ skarhu.
Štraf składaŭ 6,5 tysiačy dalaraŭ.
Na prośbu ab dapamozie ŭ spłacie adhuknułasia dzieści 80 čałaviek.
Jany i sabrali bolš za pałovu sumy, astatniuju Aleś znajšoŭ sam.
Nahadajem, Aleś Jaŭdacha dasyłaŭ praz poštu biełaruskija knihi. Kryminalnuju spravu zaviali paśla kantrolnaj zakupki ŭ jaho knihi «Maładafrontaŭcy». U jahonaj dziejnaści padatkovaja inśpiekcyja i Departamient finansavych rasśledavańniaŭ uhledzieli niezakonnaje pradprymalnictva.
U lipieni 2012 hoda Aleś Jaŭdacha byŭ pakarany hodam «chatniaj chimii» (termin pačaŭ adbyvać z 15 kastryčnika 2012). Taksama było pastanoŭlena spahnać ź jaho 54 młn 536 tys. 600 rubloŭ kampiensacyi škody i 2 młn 726 tys. 830 rubloŭ dziaržaŭnaj pošliny.
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie12
Kamientary