Mikałaj Alichvier vioŭ pieršuju spravu Aŭtuchoviča — u 2003-2005 hadach, kali jaho sudzili za nibyta ekanamičnaje złačynstva.
Žyćciovuju trajektoryju śledčaha Alichviera adsačyła režysiorka Volha Mikałajčyk. Jana adšukała ŭ sacyjalnaj sietcy «Adnakłaśniki» amierykanskija foty Alichviera z podpisam «Ja ščaślivy». Žyvie Alichvier u horadzie Atłanta (štat Džordžyja) na poŭdni ZŠA.
Dla maładoha śledčaha Upraŭleńnia Departamienta finansavych rasśledavańniaŭ Kamitetu dziaržkantrolu pa Hrodzienskaj vobłaści sprava byłoha afhanca, pradprymalnika Aŭtuchoviča, była adnoj ź pieršych. Ułady raspačali jaje paśla taho, jak Aŭtuchovič staŭ kandydatam ad apazicyi pa Vaŭkavyskaj akruzie ŭ 2004 hodzie. Pa źviestkach niezaležnych sacyjołahaŭ, jon upeŭniena pieramahaŭ.
Pavodle niepaćvierdžanaj infarmacyi, Alichvier vyjhraŭ Green Card.
Palitviazień Mikałaj Aŭtuchovič ciapier znachodzicca ŭ Hrodzienskaj turmie. Jaho pieraviali tudy z kałonii. Hetkaje paharšeńnie režymu zdaryłasia sa šmatlikimi palitviaźniami amal adnačasova. Na dumku pravaabaroncaŭ, takim čynam ź ich sprabavali vybić prašeńni ab pamiłavańni. Aŭtuchovič ničoha takoha nie padpisaŭ.
«Raz Alichvier ciapier ščaślivy, značyć, jaho nie mučać zhryzoty sumleńnia», — narakaje spn. Mikałajčyk. Paśla raspaŭsiudu infarmacyi staronka Alichviera z sacyjalnaj sietki «Adnakłaśniki» źnikła.
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie14
Kamientary