«Biełaruśkalij» uvajšoŭ u top-10 prybytkovych kampanij Centralnaj i Uschodniaj Jeŭropy

Choć, jak padličyŭ «Ježiednievnik», pa čystym prybytku «Biełaruśkalij» uvachodzić u pieršuju dziasiatku kampanij rehijona.

Aŭtary CEE Top 500 sistematyzavali pakazčyki za 2011 hod. Pavodle dadzienych Ministerstva finansaŭ Biełarusi, u hetym ža pieryjadzie čysty prybytak «Biełaruśkalija» skłaŭ u pieraliku (kurs na 1 studzienia 2012 hoda — 10 800 rubloŭ za 1 jeŭra) 676 544 tys. jeŭra.

I ŭ vyniku biełaruskaje pradpryjemstva zaniało ŭ 2011 hodzie 10-je miesca ŭ Centralnaj i Uschodniaj Jeŭropie,

Na dosyć vysokaj pazicyi pa vynikach 2011 akazvajecca jašče adna biełaruskaja publičnaja kampanija — «BiełAZ». Čysty prybytak vytvorcy vialikahruznaj aŭtatechniki ŭ razhladanym pieryjadzie skłaŭ 192 899 tys. jeŭra. U vyniku žodzincy ŭvajšli ŭ top-50 samych prybytkovych pradpryjemstvaŭ rehijona, zaniaŭšy 43 radok.

Dzie znachodziacca biełaruskija kampanii ŭ nacyjanalnych karparatyŭnych rejtynhach susiednich krain, niadaŭna taksama vyśvietlili dziełavy časopis «Biźnies-reviu» ŭ supracoŭnictvie z «Ježiednievnikom».

Ukraina

Samaja vysokaja pazicyja ŭ biełaruskich kampanij u karparatyŭnych rejtynhach susiednich krain — va Ukrainie. U top-200 najbujniejšych kampanij Ukrainy, apublikavany ŭkrainskaj redakcyjaj časopisa Forbes u kastryčniku 2012 hoda, što adlustroŭvaje dadzienyja za 2011 hod, TAA «BNK-Ukraina» zaniała 36 radok. Zasnavalniki «BNK-Ukraina» — dźvie dziaržaŭnyja kampanii: ZAT «Biełaruskaja naftavaja kampanija» i RUP «VA «Biełarusnafta».

«BNK-Ukraina», ekskluziŭny eksparcior biełaruskich naftapraduktaŭ na ŭkrainski rynak, stała adnoj z samych chutkarosłych karparacyj Ukrainy, pa tempie rostu zaniaŭšy 11 pazicyju. Vyručka kampanii skłała kala 880 młn dalaraŭ.

Na hety hod płanavaŭsia vychad kampanii na drobnaaptovy i roźničny rynak, «BNK-Ukraina» źbirałasia adkryć kala 10 ułasnych zapravak. Adnak hetyja płany ciapier pad pahrozaj praz mahčymaje ŭviadzieńnie antysubsidyjarnych sankcyj, inicyjavanych u dačynieńni da biełaruskaha biznesu ŭradam Ukrainy i miascovymi naftapierapracoŭčymi zavodami.

Łatvija

Partał Delfi ŭ kancy minułaha hoda pradstaviŭ svaju viersiju samych bujnych kampanij Łatvii — top-501, składzieny na dadzienych pa vyručcy za 2011 hod.

67-je miesca i vysokuju pazicyju siarod samych chutkarosłych kampanij łatvijskaj ekanomiki zaniaŭ daŭhaŭpiłski vytvorca bijapaliva Mamas D. Jaho vyručka skłała kala 90 młn dalaraŭ u ekvivalencie.

Da minułaha hoda ŭładalnikam 80% doli ŭ Mamas D była kampanija Neonafta, jakuju kantralavaŭ biełaruski biznesoviec Juryj Čyž. U 2012 hodzie stała viadoma, što Neonafta pradała svaju dolu. Novym uładalnikam 80% doli ŭ kampanii staŭ taksama biełarus — Dźmitryj Aleksin.

U łatvijskim top-501 apynulisia jašče dźvie biełaruskija kampanii. 302-je miesca pa vyručcy zaniała Oil Logistic&Trading (vyručka — kala 30 młn dalaraŭ), 405-je — Oil Logistic (kala 20 młn dalaraŭ). Zasnavalnik abiedźviuch kampanij — dziaržaŭny kancern «Biełnaftachim» razam z pradpryjemstvami, što ŭ jaho ŭvachodziać, a zajmajucca jany tranzitam na suśvietny rynak pradukcyi biełaruskaj naftapierapracoŭki i chimii.

Litva

Litoŭskaje dziełavoje vydańnie Verslo zinios u pačatku 2013 hoda apublikavała top-500 najbujniejšych kampanij. U rejtynhu, jaki adlustroŭvaje situacyju za dzieviać miesiacaŭ 2012 hoda, adziny bujny pradstaŭnik biełaruskaha biznesu, ZAT «Handlovy dom «BMZ-Bałtyja», zaniaŭ 74-je miesca (u minułym hodzie jon byŭ na 86-j pazicyi). Vyručka kampanii, stvoranaj u 2008 hodzie dla pastavak mietałapradukcyi žłobinskaha zavoda na bałtyjski i polski rynki, skłała ŭ dalaravym ekvivalencie kala 90 młn dalaraŭ. Za dzieviać miesiacaŭ 2011 hoda jana była roŭnaja 70 młn dalaraŭ.

Rasija

U rasijskim rejtynhu «Ekśpiert 400» za 2012 hod pradstaŭlenaja adna kampanija, jakaja maje štab-kvateru ŭ Minsku. Heta aŭtamabilny chołdynh «Atłant-M». Jaho ŭładalniki — biełarusy Aleh Chusajenaŭ i Siarhiej Savicki i rasijec Ihar Malhin.

Pa vynikach 2011 hoda, jakija lehli ŭ asnovu rejtynhu, «Atłant-M» zaniaŭ 165-je miesca, vyručka kampanii skłała 1,35 młrd dalaraŭ.

U top-200 najbujniejšych niepubličnych kampanij Rasii, składzieny rasijskaj redakcyjaj Forbes, «Atłant-M» zaniaŭ 65-je miesca.

Polšča

Top-1000 najbujniejšych polskich kampanij u siaredzinie leta minułaha hoda publikavała Gazeta Finansowa.

213-je miesca ŭ im zaniała kampanija ASBISc Enterprises PLC, najbujniejšy akcyjanier jakoj — Siarhiej Kaścievič. Vyručka kampanii ŭ 2012 hodzie skłała kala 470 młn dalaraŭ.

ASBIS Group realizuje na polskim rynku IT-pradukty. Taksama akcyi kampanii ŭviedzienyja ŭ listynh Varšaŭskaj fondavaj biržy.

• 0
• 0
• 0
• 0
• 0
• 0
• 0
• 0