U minskich pažarnych jość 90-mietrovy padjomnik i viertaloty.
3 krasavika ŭ stalicy Čačni Hroznym hareŭ 40-paviarchovy chmaračos. Połymia achapiła budynak ad nizu da vierchu. Paźniej stała viadoma, što ŭ im nie spracavała supraćpažarnaja biaśpieka. Akramia taho, u Hroznym nie akazałasia adpaviednaj pažarnaj techniki, kab patušyć pažar na šmatpaviarchovym domie.
Na siońnia ŭ Minsku budujecca vysotnych niekalki budynkaŭ, u płanach minskich architektaraŭ — hmachi vyšynioj bolš za 150 mietraŭ. Ci hatovyja haradskija padraździaleńni MNS za zdareńniaŭ, padobnych da hroźnienskaha?
«Tut na situacyju treba hladzieć šyrej. Hałoŭnaje — nie dapuścić padobnaha raźvićcia padziej. Dla hetaha musiać być zadziejničanyja šmatlikija inžyniernyja mierapryjemstvy — vonkavaje pakryćcio budynka pavinna być vykanana ź nieharučych materyjałaŭ, akramia taho, supraćpažarnyja sistemy pavinny pracavać, sistemy apaviaščeńnia i h.d.» — patłumačyŭ karespandentu «NN» načalnik pres-słužby MNS Vital Navicki.
Pa jaho słovach, u lubym vypadku minskija pažarnyja hatovyja da padobnych incydentaŭ. Paśla ŭvoda ŭ ekspłuatacyju novaha budynka Nacyjanalnaj biblijateki ŭ ich źjaviŭsia 90-mietrovy padjomnik. Taksama ŭ rasparadžeńni MNS jość viertaloty Mi-8 i Mi-26. «Jany nie zusim prystasavanyja dla pracy ŭ haradskich umovach, chutčej dla tušeńnia lasnych pažaraŭ. U bližejšych płanach u nas nabyćcio viertalota K-32. Jon prystasavany dla haryzantalnaha tušeńnia pažaraŭ, u toj čas jak Mi-8 i Mi-26 — dla viertykalnaha skidvańnia vady».
Viertalot K-32 z haryzantalnaj sistemaj tušeńnia pažaraŭ kaštuje kala 120 młrd. rubloŭ.
-
Fatohraf z Kalinkavičaŭ zasudziŭ Maskoŭski zaapark, jaki vykarystaŭ biez dazvołu jaho fota norki
-
«Heta jaho paduška biaśpieki». Na trasie pad Minskam zaŭvažyli niezvyčajny sposab pieravozki šyn
-
Łukašenka ŭviazaŭ vyzvaleńnie palitviaźniaŭ z adkryćciom amierykanskaha pasolstva i finansavymi pytańniami
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy20
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary