Akcyja suprać prymianieńnia śmiarotnaha pakarańnia ŭ Biełarusi prajšła ŭ Maskvie - fota
10 krasavika aktyvisty Amnesty International zładzili ŭ Maskvie akcyju suprać prymianieńnia śmiarotnaha pakarańnia ŭ Biełarusi.
Pikietavańnie prachodziła nasuprać biełaruskaj ambasady i było prymierkavanaje da publikacyi štohadovaha dakładu Amnesty International pra situacyju sa śmiarotnym pakarańniem u roznych krainach śvietu.
Aktyvisty razharnuli i na praciahu hadziny trymali 7-mietrovy transparant, jakija zaklikaje ŭłady Biełarusi ŭvieści maratoryj na śmiarotnaje pakarańnie. Aficyjnaj reakcyi ambasady na akcyju nie było.
Pavodle źviestak Amnesty International, za apošnija dvaccać hadoŭ u Biełarusi było pakarana śmierciu bolš za 400 čałaviek. Jość padstavy mierkavać, što asudžanych na śmiarotnaje pakarańnie zmušali pryznać svaju vinu pad katavańniami.Prysudy pryvodziacca ŭ vykanańnie strełam u patylicu. Asudžanych infarmujuć pra pakarańnie śmierciu za niekalki hadzin abo chvilin da vykanańnia prysudu. Cieły pakaranych nie viartajucca siemjam dla pachavańnia, miesca pachavańnia zachoŭvajucca ŭ tajamnicy.
Fota pieradadzieny B
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie12
Kamientary