3 čałavieki zahinuli, 140 paraniena.
Vybuchi adbylisia ŭ paniadziełak u amierykanskim Bostanie padčas praviadzieńnia 117-ha tradycyjnaha Bostanskaha marafonu, na jaki źbirajecca, paŭdzielničać i panazirać, dziasiatki tysiač čałaviek.Dva vybuchi prahrymieli la samaj finišnaj rysy na Bojłstan-stryt. Heta adbyłosia a 14:45 pavodle času ŭschodniaha ŭźbiarežža ZŠA (21:45 pa Minsku).
Vybuchi byli vielmi mahutnyja. Paviedamlajecca pra niekalki dziasiatkaŭ paranienych, nazyvajecca taksama ličba ŭ 100 čałaviek. Vybuchi adbylisia, kali finišavała asnoŭnaja hrupa i biehli amatary.
Paźniej palicyja paviedamiła pra minimum troje zahinułych.
Bostanski marafon — adzin z samych viadomych u śviecie. Na jaho źjazdžajucca ŭdzielniki z usich ZŠA i krain śvietu.
Na adnym z fotazdymkaŭ dobra bačny aficyjny dziaržaŭny ściah Biełarusi. U marafonie ŭdzielničali i dźvie hramadzianki Biełarusi: 32-hadovaja Žanna Ivaščanka i 33-hadovaja Alena Makoŭskaja.
Paźniej palicyja abiasškodziła jašče dźvie bomby.
Treci vybuch adbyŭsia praz paŭtary hadziny ŭ Biblijatecy imia Kienedzi, ale palicyja abvierhła hipotezu, što hety vybuch źviazany z teraktam na marafonie, zaznačyŭšy, što heta byŭ pažar.
U Bostanie adklučana sotavaja suviaź, kab paźbiehnuć novych teraktaŭ, a nad centram horada ŭviedziena biespalotnaja zona.Nad Ńju-Jorkam i Vašynhtonam uviedziena najvyšejšaja stupień hatoŭnaści da niebiaśpieki.
Palicyja Bostana abvierhła paviedamleńnie ab zatrymańni padazravanaha, paviedamlajecca sa spasyłkaj na aficyjnych pradstaŭnikoŭ bostanskaj palicyi.
Raniej NY Post, a paźniej i Fox News pisali pra toje, što palicyja praz prykładna 2 hadziny paśla teraktu zatrymała 20-hadovaha ŭradženca Saudaŭskaj Aravii, jak miarkujecca, datyčnaha da arhanizacyi vybuchaŭ. Jak paviedamlała vydańnie, zatrymany atrymaŭ askiepkavyja ranieńni ŭ vyniku vybuchaŭ i znachodziŭsia ŭ adnoj z balnic Bostana pad achovaj.
Ciapier čytajuć
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?1111
Kamientary