Mužčyny mohuć zabycca pra jubilej abo kupić padarunak u apošniuju chvilinu, ale jany ŭsio ž bolš ramantyčnyja, čym žančyny, vyśvietlili daśledniki.
Daśledniki praanalizavali vyniki anłajn-apytańniaŭ bolš za 70 tysiač čałaviek z roznych krain i vyśvietlili, što tyja, kaho pryniata ličyć mocnym połam, bolš schilnyja da raptoŭnych paryvaŭ.
Usie apytanyja adkazvali na pytańni sacyjołahaŭ ab svaich adnosinach. Siarod mužčyn 48% zajavili, što zakachalisia ŭ svaich ciapierašnich partniorak ź pieršaha pohladu. Pry hetym siarod žančyn takich akazałasia ŭsiaho 28%, piša The Daily Mail.
Vyniki daśledavańnia byli apublikavanyja ŭ knizie «The Normal Bar», suaŭtarami jakoj źjaŭlajucca amierykanskaja pradprymalnica Krysana Nortrap i prafiesary Pepier Švarc z Univiersiteta Vašynhtona i Džejms Vite z Univiersiteta Džordža Mejsana ŭ štacie Virdžynija.
U rukapisie taksama pryvodziacca i inšyja cikavyja ličby. Tak, akazałasia, što niahledziačy na svaju ramantyčnaść, mužčyny bolš schilnyja zdradžvać svaim kachanym. U najaŭnaści ramanaŭ na baku pryznalisia 33% mužčyn i ŭsiaho 19% žančyn.
Niahledziačy na heta, bolšaść apytanych (74%) zajavili, što ščaślivyja ŭ adnosinach sa svaim ciapierašnim partnioram. 66% ličać, što znajšli ŭ kachanym čałavieku rodnasnuju dušu.
-
Alimpijski pryzior Maksim Niedasiekaŭ ažaniŭsia druhi raz. Hetym razam z Łalitaj
-
Maładoje pakaleńnie pierastała hetaha saromiecca: 22% amierykancaŭ pakaleńnia Z ličać siabie ŁHBTK. Absalutnaja bolšaść ź ich — heta biseksuały
-
Biełarus zrabiŭ prapanovu kachanaj kala znakamitaha fantana Trevi ŭ Rymie — pad apładysmienty dziasiatkaŭ turystaŭ
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary