Pieramožca Belarus Press Photo 2011 vyjhrała i «Załatoje piaro» łukašenkaŭskaha Sajuza žurnalistaŭ
Siońnia Biełaruski sajuz žurnalistaŭ abviaściŭ vyniki konkursa «Załatoje piaro» za najlepšyja žurnalisckija materjały. Premiju za najlepšuju rabotu ŭ fotažurnalistycy atrymała fotakarespandentka BiełTA Natalla Abłažej.
Heta nie pieršaja pieramoha Natalli Abłažej na fonkursach repartažnaj fatahrafii. Pryčym pieramahała Natalla nie tolki ŭ dziaržaŭnych, ale i niezaležnych spabornictvach: u 2011 h. jana zaniała pieršaje miesca ŭ konkursie Belarus Press Photo za fatazdymak troch ptušaniataŭ kasmanohaha syča ŭ naminacyi «Pryroda». Fota źjaviłasia i ŭ albomie Belarus Press Photo 2011, jaki niadaŭna pryznali ekstremisckim.
Karespandent «NN» daviedaŭsia ŭ Natalli Abłažej padrabiaznaści pra pieramohu ŭ «Załatym piary-2013».
Heta, naprykład, fotarepartažy z Kupalla, hukańnia viasny. Na ekałahičnuju tematyku — repartaž «Źniščeńnie zachavańniaŭ piestycydaŭ». Hetyja fatazdymki źjaŭlalisia na sajcie BiełTA, drukavalisia. Usie fotazdymki byli zroblenyja na terytoryi Biełarusi».«Ja ŭdzielničała ź sieryi fatazdymkaŭ. Dakładniej, heta niekalki fotarepartažaŭ, — paviedamiła Abłažej. — Jany abjadnanyja temaj «Narodnyja tradycyi i ekałohija».
Na pytańnie ci ŭźnikali ŭ jaje niejkija prablemy z kiraŭnictvam paśla pryznańnia alboma Belarus Press Photo 2011, Natalla Abłažej adkazała: «Zrazumieła, nie».
Nahadajem, što 18 krasavika Ašmianski rajonny sud pryznaŭ ekstremisckim fotaalbom Belarus Press Photo 2011, jaki ŭtrymlivaje raboty pieramožcaŭ adnajmiennaha niezaležnamu konkursu. 41 kanfiskavany albom ciapier padlahaje źniščeńniu.
Kamientary