27 krasavika byŭ pabity tempieraturny rekord 43-hadovaj daŭniny
Vielmi kantrasny byli ŭmovy nadvorja ŭ Biełarusi dniom 27 krasavika. Tempieratura pavietra ŭčora skłała ad 6 da 29 hradusaŭ, byŭ pabity rekord dnia 43-hadovaj daŭniny.
Jak śviedčyć karta resursu meteoinfo.by, na krajniaj poŭnačy Viciebskaj vobłaści tempieratura pavietra nie pieravysiła +6, a na poŭdni krainy pavietra prahrełasia da +29.
U Minsku, Breście, Homieli i šerahu rajonnych centraŭ pabityja rekordy dnia. Akramia taho, ustanoŭleny novy absalutny maksimum dla krasaviku 27 za ŭvieś pieryjad mieteanazirańniaŭ.
Raniejšy rekord dnia składaŭ 27,8 hradusa (1970, Mahiloŭ), zaraz jon roŭny 29,2 hradusa (Lelčycy i Žytkavičy). Novyja maksimumy ŭ Minsku — 26,5 (było 24,5 u 2000 hodzie), Breście — 26 (25,4 u 1993), Homieli — 27 (26,6 u 2000).
Absalutny tempieraturny maksimum krasavika składaje +30,7 hradusa (22 krasavika 1950 u Breście).
Ciapier čytajuć
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie14
Kamientary