Prablemy sa snom naŭprost adbivajucca na zdolnaści mužčyny začać dzicia. Jak pieradaje News.com.au, u mužčyn z padobnymi adchileńniami kolkaść śpiermatazoidaŭ źnižana na čverć, a pamier ich jaječkaŭ mienšy za siarednija pakazčyki
Da takich vysnovaŭ pryjšli supracoŭniki Univiersiteta Paŭdniovaj Danii. Na ich dumku, parušeńni režymu snu vyklikajuć źnižeńnie fiertylnaści mnohich sučasnych mužčyn. Navukoŭcy daśledavali kala 1000 mužčyn prykładna 20 hadoŭ. Zdavałasia na analiz nasiennaja vadkaść, i zapaŭniaŭsia apytalnik.
U ankiecie byli pytańni pra toje, jak časta čałaviek drenna spaŭ, jak časta jon nie moh narmalna zasnuć. Taksama navukoŭcaŭ cikaviła, ci pračynaŭsia ci mužčyna nočču, paśla čaho jamu nie ŭdavałasia zasnuć.
Akazałasia, u mužčyn, jakija časta zasynali pozna, šmat razoŭ za noč pračynalisia i ź ciažkaściu zasynali, kolkaść śpiermatazoidaŭ źniziłasia na 25%. A ich jaječki byli mienš, čym u mužčyn, jakija nie mieli prablem sa snom.
Ekśpierty padkreślivajuć: adchileńni ŭ režymie snu niaredka źviazanyja ź niezdarovym ładam žyćcia ŭ cełym. Heta naŭprost adbivajecca na fiertylnaści. Takija ludzi niaredka majuć lišniuju vahu, pjuć, palać. Prytym, prablemy sa snom uździejničajuć na ŭzrovień testasteronu (čym daŭžej mužčyna nie śpić, tym nižej ŭzrovień).
Kamientary