Staličnaja milicyja ŭstanaŭlivaje paciarpiełych ad dziejańniaŭ minčanina, jaki znajomiŭsia ŭ sacyjalnych sietkach ź dziaŭčatami, a zatym učyniaŭ u ich kradziažy.
U milicyju z zajavaj ab kradziažy juvielirnych vyrabaŭ źviarnułasia 24-hadovaja minčanka. Suma vykradzienaha skłała 70 miljonaŭ rubloŭ. Vyśvietliłasia, što niezadoŭha da kradziažu ŭ dziaŭčyny źjaviŭsia internet-pakłońnik. Virtualnyja spatkańni pieratvarylisia ŭ realnyja i prachodzili ŭ jaje doma. Paśla čarhovaj sustrečy i było vyjaŭlena źniknieńnie załatych vyrabaŭ.
Va ŭčynieńni kradziažu milicyja zapadozryła novaha znajomaha paciarpiełaj i pačała ŭstanaŭlivać jaho asobu. Tym časam małady čałaviek sam źviazaŭsia ź siabroŭkaj i zdoleŭ pierakanać jaje ŭ tym, što nie maje nijakaha dačynieńnia da prapažy. A na ranicu paśla spatkańnia haspadynia kvatery nie daličyłasia ŭ svaim kašalku 1,5 młn. rubloŭ.
U chodzie vyšukovych mierapryjemstvaŭ supracoŭniki kryminalnaha vyšuku Frunzienskaha RUUS ŭstanavili asobu padazravanaha ŭ kradziažach i zatrymali jaho. Im akazaŭsia 30-hadovy raniej trojčy sudzimy za takija złačynstvy žychar stalicy. Akramia taho, u pravaachoŭnikaŭ źjavilisia padstavy mierkavać, što zatrymany maje dačynieńnie da ŭčynieńnia i inšych anałahičnych złačynstvaŭ.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary