Vice-premjer Rasii Uładzisłaŭ Surkoŭ spadziajecca, što sacyjalnaja sietka Ukantakcie zachavajecca, niahledziačy na prablemy jaje stvaralnika Paŭła Durova.
U apošni čas Ukantakcie apynułasia ŭ centry niekalkich skandałaŭ. U pryvatnaści, u ŚMI źjaviłasia viersija pra mierkavany ŭdzieł Durova ŭ rezanansnych DTZ u centry Pieciarburha ŭ pačatku krasavika 2013 hoda. U vyniku paciarpieŭ palicyjant, a vinavaty kiroŭca ŭciok ź miesca zdareńnia. U miežach rasśledavańnia hetaj spravy ŭ ofisie Ukantakcie 16 krasavika prajšoŭ pieratrus. Pres-sakratar sacsietki ŭ adkaz zajaviŭ, što mašyny ŭ Durova niama, a chodzić jon pieššu.
«Što tyčycca sietki Ukantakcie, dyk, jak mnie zdajecca, tam iduć składanyja pracesy. Ja viedaju Paŭła vielmi dobra, staŭlusia da jaho ź vialikaj pavahaj. Viedaju, ciapier usiakaje kažuć. Ja nie viedaju, što tam adbyłosia, dumaju, u situacyi raźbiarucca. Ale majem nieadnaznačnuju situacyju, źviazanuju, u tym liku z ułasnaściu, z novymi ŭhodami. Ja ŭpeŭnieny, što sietka zachavajecca, bo jana vielmi papularnaja ŭ Rasiei», — skazaŭ Surkoŭ, vystupajučy ŭ čaćvier u Łondanskaj škole ekanomiki.
Vice-premjer vykazaŭ nadzieju, što z sacyjalnaj sietkaj «usio budzie dobra».
«Ukantakcie šmat krytykavali za roznyja rečy, ale toje, što heta vielmi talenavitaja kamanda, što heta vielmi papularny ŭ Rasii resurs, heta fakt», — cytuje Surkova ahienctva RIAN.
Ukantakcie i ŭ Biełarusi — najpapularniejšaja sacyjalnaja sietka, tady jak u krainach Zachadu i Azii daminuje Fejsbuk. Prachodziła infarmacyja, što na jaje ŭłaśnika Durava mocna cisnuli rasijskija śpiecsłužby. Jany chacieli atrymać mahčymaść kantralavać dziejnaść pratestavych hrupaŭ Ukantakcie. Mienavita praz sacyjalnyja sietki arhanizoŭvalisia mahutnyja hramadskija pratesty ŭ Biełarusi ŭ 2011 i ŭ Rasii ŭ 2012 hadach.
Kamientary