U Stakholmie bieź lidaraŭ
Ad 3 da 19 maja ŭ Šviecyi i Finlandyi projdzie 77-y čempijanat śvietu pa chakiei.
Druhi hod zapar spabornictvy prymajuć hetyja dźvie krainy. Tak vyjšła, što spačatku haspadarom turnira abrali finaŭ, paśla — šviedaŭ. Paźniej krainy vyrašyli abjadnać svaje namahańni.
Letaś biełarusy hulali ŭ Chielsinki, sioleta zhulajuć u Stakholmie.
Druhi hod zapar spabornictvy buduć prachodzić pa novaj schiemie: dźvie hrupy pa vosiem kamand. Najlepšyja čatyry vychodziać u čverćfinały, a najhoršaja z kožnaj hrupy vyletaje ŭ dyvizijon nižej. Letaś biełarusy cudam zastalisia ŭ elicie, dziakujučy ciažkoj pieramozie nad kazachami, a voś usim astatnim prajhrali.Upieršyniu na čempijanat śvietu našu paviazie trenier Andrej Skabiełka. Toj samy pad kiraŭnictvam jakoha my nie prajšli na Alimpijadu ŭ Sočy.
Biełarusy nijak nie vylaciać sioleta z suśvietnaj elity, bo nastupny čempijanat u Minsku. Skład zbornaj budzie vielmi ekśpierymientalnym. Nie dajechali amal usie lehijaniery, što hulajuć u Rasii (Kalužny, Dziamahin, Ściapanaŭ, Koval, Andrej Kaścicyn). Zatoje budzie šmat hulcoŭ ź biełaruskaha pieršynstva.
Raskład hulniaŭ Biełarusi:3 maja. Čechija — Biełaruś. Pačatak a 17:15.
5 maja. Biełaruś — Słavienija. Pačatak a 13:15.
6 maja. Šviecyja — Biełaruś. Pačatak a 21:15.
10 maja. Biełaruś — Kanada. Pačatak a 21:15.
11 maja. Narviehija — Biełaruś. Pačatak a 21:15.
13 maja. Danija — Biełaruś. Pačatak a 17:15.
14 maja. Biełaruś — Šviejcaryja. Pačatak a 13:15.
Tranślacyi buduć na telekanale «Biełaruś-2».
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie14
Kamientary