Valer Bułhakaŭ viarnuŭsia ŭ krainu, časopis «Arche» adnaŭlaje vychad
Mininfarmacyi zrabiła padarunak da 15-hodździa vydańnia.
«My atrymali dakumienty ab pierarehistracyi siońnia ranicaj», — paviedamiŭ vykanaŭca abaviazkaŭ hałoŭnaha redaktara kandydat histaryčnych navuk Aleś Paškievič.Jon zamianiŭ na pasadzie Valera Bułhakava, kali nad apošnim letaś navisła pahroza kryminalnaj spravy. Raniej časopisu čatyry razy admaŭlali ŭ pierarehistracyi.
«Hałoŭnym redaktaram iznoŭ budzie Valer Bułhakaŭ, ja — namieśnikam», — adznačyŭ Paškievič.
Novy numar časopisa budzie adpraŭleny ŭ druk nieadkładna. Jon budzie pryśviečany historyi Druhoj suśvietnaj vajny. «Arche» nie vychodziŭ ad červienia 2012 hoda, i da pačatku leta abaviazkova musić źjavicca čarhovy vypusk.
«Numary hety čas my rychtavali i zaraz jany buduć drukavacca paśpiešnym paradkam. Ciapier važna adnavić raniejšuju štomiesiačnuju pieryjadyčnaść. Budziem staracca viarnucca ŭ padpisnyja katałohi», — skazaŭ Paškievič.
Sioleta, darečy, časopis adznačyć 15-hodździe.
U vieraśni hałoŭny redaktar «Arche» Valer Bułhakaŭ byŭ zatrymany ŭ Hrodnie na prezientacyi knihi Jana Šumskaha «Savietyzacyja Zachodniaj Biełarusi». Jaho abvinavacili ŭ niezakonnaj pradprymalnickaj dziejnaści. U drukarni, dzie vychodziŭ časopis, upraŭleńnie Departamienta finansavych rasśledavańniaŭ praviało pravierku. Bułhakava aštrafavali na 500 tysiač rubloŭ. Aścierahajučysia jašče i kryminalnaha pieraśledu, jon pakinuŭ Biełaruś.
Akazałasia, što ničoha kryminalnaha niama, 22 sakavika stała viadoma, što nijakaj spravy suprać «Arche» zaviedziena nie było. U siaredzinie krasavika Bułhakaŭ viarnuŭsia ŭ krainu. Ale pa-raniejšamu pad aryštam znachodziacca 5000 knižak, kanfiskavanych u jaho vosieńniu.
Ciapier čytajuć
Pačobut parazvažaŭ, ad čaho zaležyć budučynia Biełarusi1
Kamientary