Vital Radzivonaŭ zapisaŭ pa-biełarusku rolik «Futboł ― heta…» — videa
Tekst na rodnuju movu pierakłaŭ Lavon Volski, a pradziusaram vystupiŭ 19-hadovy minski student.
Rasijskamoŭnuju viersiju rolika «Futboł ― heta…» za piać dzion prahladzieli 28 tysiač čałaviek. Ciapier forvard zbornaj Biełarusi i BATE Vital Radzivonaŭ pierazapisvaje videa
«My adrazu ž vyznačylisia, što buduć viersii na dźviuch movach, ― zhadvaje Vital Radzivonaŭ, jak abmiarkoŭvali kancepcyju matyvacyjnaha rolika. ― „Rasijski“ varyjant hledačam spadabaŭsia. Ciapier budzie cikava panazirać za reakcyjaj na biełaruskamoŭnuju viersiju. Rekłama rodnaha słova ― heta absalutna narmalnaja pazicyja hramadzianina. Heta navat nie abmiarkoŭvajecca».
Źniaŭ videa
«Heta majo chobi. Za ŭzor ja ŭziaŭ videaroliki, jakija robiacca dla takich brendaŭ, jak „Najk“ ci „Adydas“, ― kaža Anton. ― Analizavaŭ, ź jakich rakursaŭ jany zdymajuć, jakimi abjektyvami. Chaciełasia zrabić kruty rolik z raźlikam na dziciačuju aŭdytoryju. Moža być, heta dapamoža kamuści ź dziaciej zrabić vybar u bok sportu, futboła. Źviarnulisia z prapanovaj da viadomych biełaruskich hulcoŭ. Pieršym adhuknuŭsia Vital Radzivonaŭ».
Naviedvajem futbalista i jaho zdymačnuju bryhadu padčas zapisu biełaruskamoŭnaha varyjantu. Ścipłaja studyja mieścicca prosta ŭ kvatery hukarežysiora ― Ivana Kudzierki.
Padčas zapisu Vital Radzivonaŭ vymaŭlaje niekatoryja samabytnyja biełaruskija słovy ŭpieršyniu. Što praŭda, padychod da pracy ŭ forvarda pierfiekcyjaniscki. Pakul nie vymavić pravilna ― praciahvaje rupliva zapisvać dubli.
Biełaruskamoŭnuju viersiju videarolika płanujuć vykłaści 14 červienia.
Ciapier čytajuć
22‑hadovy Viktar z-pad Klecka pratrymaŭsia na froncie miesiac. A paśla baćki pierasvarylisia, dzielačy hrabavyja13
Kamientary