Uračystaści, pryśviečanyja 600‑hoddźziu chramu‑krepaści Śviatoha Archanhieła Michaiła, prajšli 29 žniŭnia ŭ vioscy Synkavičy Zelvienskaha rajonu Haradzienskaj vobłaści.
Uračystaści, pryśviečanyja 600‑hodździu chrama‑krepaści Śviatoha Archanhieła Michaiła, prajšli 29 žniŭnia ŭ vioscy Synkavičy Zelvienskaha rajona Hrodzienskj vobłaści.
Jak paviedamiŭ BiełaPAN nastajaciel carkvy, protaijerej Arsień (Ananka), prahrama śviata ŭklučała boskuju liturhiju, uračysty kancert charavych piesnapieńniaŭ i śviatočnuju trapiezu.
Pavodle słoŭ śviatara, śpiecyfičnyja rysy architektury chrama nie majuć anałahaŭ u śviecie. «Hety šedeŭr architektury Biełarusi źjaŭlajecca tym pomnikam, u jakim mastackija płyni Zachadu (hotyka) i Uschodu (tradycyi vizantyjskaj architektury) źlityja ŭ adziny sintetyčny ansambl, — zaznačyŭ nastajaciel. — Masiŭnyja, taŭščynioj u paŭtara mietra ścieny, viežy, pamiaškańnie pad sklapieńniem z bajnicami zbližajuć zbudavańnie ź nievialikim zamkam. Jaho płan nahadvaje abrysy staražytnych vizantyjska‑ruskich cerkvaŭ. Niehłybokija, raznastajnyja pa formie i pamierach nišy ŭ ščycie frantona nahadvajuć nišy Mirskaha zamka».
Pavodle słoŭ protaijereja, bajnicy carkvy pieradusim słužyli ŭ metach abarony. Usie jarusy bajnic nadavali budynku surovy vyhlad, adnak jany byli niemałavažnym elemientam i srodkam upryhožvańnia ścien. Zhodna ź lehiendaj historyja chrama źviazana ź imiem jaho miecenata, vialikaha kniazia Vialikaha kniastva Litoŭskaha Vitaŭta, zaznačyŭ śviatar.
«Ciapier chram patrabuje kapitalnaha ramontu i restaŭracyi, patrebna nabaženskaja litaratura i carkoŭnaje načynieńnie, abrazy, pakolki ŭ niedalokim minułym chram vykarystoŭvaŭsia jak schovišča dla harodniny, a ŭsia majomaść śviatyni była źniščana», — skazaŭ ajciec Arsienij.
Ad imia carkoŭnaha savieta i prychažan nastajaciel prosić hramadskaść «unieści pasilnuju leptu i čaścinku svajho serca dla zachavańnia pomnika siaredniaviečnaha dojlidstva».
-
«Ja vam skažu — zusim nie toje!» Na 80‑hodździ va Urocłavie Niaklajeŭ paraŭnaŭ pacałunki Brežnieva i Cichanoŭskaj
-
U Vienie za 776 tysiač jeŭra nachilili pomnik meru. Jaho antysiemityzm natchniaŭ Hitlera
-
U Pružanskim kaściole novy arhan, jaki pryvieźli ź Niderłandaŭ. Papiaredni kaścielny arhan puścili na drovy dla Doma kultury
Ciapier čytajuć
Hety biełarus daśleduje rak — voś što jon kaža pra SPF ad miełanomy, navukovy prahres i samy składany ŭ lačeńni rak3
Kamientary