Minharsud admoviŭsia razhladać skarhu svajakoŭ pakaranaha śmierciu Kavalova

Minski haradski sud 26 žniŭnia admoviŭsia razhledzieć skarhu maci i siastry Uładzisłava Kavalova, adnaho z dvuch rasstralanych pavodle abvinavačańnia va ŭčynieńni terakta ŭ minskim mietro, na dziejańni dziaržorhanaŭ, jakija admaŭlajucca raskryć miesca jaho pachavańnia. Sudździa Aksana Budoŭskaja pahadziłasia z vysnovami suda Kastryčnickaha rajona Minska ab tym, što razhlad hetaha zvarotu nie padviedamasny ahulnym sudam Biełarusi.

Luboŭ Kavalova paviedamiła žurnalistam, što inšaha rašeńnia suda jana i nie čakała.

«Admoŭny vynik — taksama vynik. Budziem źviartacca ŭ vyšejšyja instancyi. U pryvatnaści, płanujem abskardzić rašeńnie suda spačatku ŭ nahladnym paradku, a zatym — u Viarchoŭnym sudzie», — skazała maci pakaranaha.

Skarhu ŭ Minharsud Luboŭ Kavalova i jaje dačka Taćciana Kaziar nakiravali 6 žniŭnia. Žančyny infarmujuć, što sud Kastryčnickaha rajona Minska, kudy jany źviartalisia raniej, niepravamierna admoviŭ im u raspačynańni hramadzianskaj spravy pa skarzie na dziejańni KDB, MUS i departamienta vykanańnia pakarańniaŭ MUS, jakija admaŭlajucca raskryć miesca pachavańnia Uładzisłava Kavalova. Svaje dziejańni hetyja dziaržorhany matyvujuć č. 5 art. 175 Kryminalna-vykanaŭčaha kodeksa, zhodna ź jakoj «cieła dla pachavańnia nie vydajecca, pra miesca pachavańnia nie paviedamlajecca».

Maci i siastra rasstralanaha arhumientujuć svaju pazicyju rašeńniem Kamiteta AAN pa pravach čałavieka, jaki pry razhladzie spravy Kavalova ŭstanaviŭ, što ŭtojvańnie miesca pachavańnia pakaranaha ŭjaŭlaje saboj parušeńnie art. 7 Pakta ab hramadzianskich i palityčnych pravach, jaki ŭstanaŭlivaje zabaronu katavańnia i žorstkaha biesčałaviečnaha abychodžańnia.

Kamientujučy situacyju, pravaabaronca Raman Kiślak, jaki akazvaje pravavuju dapamohu svajačkam Kavalova, padkreśliŭ: «U hetym vypadku maje miesca admova ŭ pravasudździ. Sud Kastryčnickaha rajona Minska ŭ svajoj pastanovie ad admovie ŭ raspačynańni spravy ŭkazaŭ, što sprava nie padviedamasnaja sudu, bo hetyja pytańni vyrašajucca ŭ inšym, niesudovym paradku. Ale ŭ realnaści nijakaha inšaha paradku abo pracedury dla vyrašeńnia hetych pytańniaŭ paprostu nie isnuje».

U vyniku vybuchu na stancyi mietro «Kastryčnickaja» ŭ Minsku 11 krasavika 2011 hoda zahinuli 15 čałaviek, 315 — paciarpieli. Va ŭčynieńni terakta byŭ abvinavačany Dźmitryj Kanavałaŭ, Uładzisłava Kavalova pryznali jaho saŭdzielnikam. Abodva byli žycharami Viciebska. 30 listapada 2011 hoda Viarchoŭny sud pryhavaryŭ maładych ludziej da vyšejšaj miery pakarańnia. Kanavałaŭ pryznaŭ svaju vinu ŭ sudzie i pa pamiłavańnie da prezidenta nie źviartaŭsia, Kavaloŭ takoje prašeńnie padaŭ. Zhodna z aficyjnaj infarmacyjaj, abodva byli rasstralanyja ŭ siaredzinie sakavika 2012 hoda.

• 0
• 0
• 0
• 0
• 0
• 0
• 0
• 0