Eks-kandydat u prezidenty Biełarusi na vybarach 2010 h., palitviazień Mikałaj Statkievič admoviŭsia nadalej źviartacca pa miedycynskuju dapamohu ŭ turmie.
Palitviazień zajaviŭ, što jaho zvaroty pa dapamohu vykarystoŭvajucca administracyjaj papraŭčych ustanoŭ jak sihnał dla arhanizacyi supraćpraŭnaha cisku šlacham niezakonnaha stvareńnia ŭmoŭ dla abvastreńnia zachvorvańniaŭ, pra jakija stała viadoma.
U takoj situacyi zvarot pa miedycynskuju dapamohu daje advarotny efiekt i robicca niebiaśpiečnym, što zmušaje jaho chavać infarmacyju ab prablemach sa zdaroŭjem, paviedamlaje sajt statkevich.org.
Mikałaj Statkievič — adziny kandydat u prezidenty na vybarach 2010 hoda, da hetaha času znachodzicca ŭ źniavoleńni.
Jak i inšyja apazicyjnyja kandydaty ŭ prezidenty, jon byŭ aryštavany viečaram 19 śniežnia 2010 h.
U mai 2011 hoda sud Leninskaha rajona Minska prysudziŭ Stakieviča da šaści hadoŭ pazbaŭleńnia voli pa abvinavačvańni ŭ arhanizacyi masavych biesparadkaŭ 19 śniežnia.
Palityk adbyvaŭ pakarańnie ŭ škłoŭskaj kałonii №17, adnak u studzieni 2012 hoda jamu zrabili bolš žorstkimi ŭmovy adbyćcia pakarańnia, pieravioŭšy ŭ mahiloŭskuju turmu №4 (212011, h. Mahiloŭ, vuł. Krupskaj, 99a, turma № 4, Statkieviču Mikałaju Viktaraviču)
Ciapier čytajuć
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie15
Kamientary