Paralelna z «Biełnaftachimam» adbylisia aryšty na «Biełšynie»

Śledčy kamitet raspačaŭ niekalki kryminalnych spravaŭ u dačynieńni da słužbovych asobaŭ AAT «Biełšyna» i afilavanych ź imi biźniesmienaŭ. Naniesienaja imi škoda aceńvajecca ŭ bolš čym miljard rubloŭ.

Jak paviedamili ŭ Śledčym kamitecie Biełarusi, u vyniku atrymanaj ad apieratyŭnych słužbaŭ MUS materyjałaŭ było zaviedziena niekalki kryminalnych spraŭ jak u dačynieńni da słužbovych asobaŭ «Biełšyny», tak i da šerahu afilavanych ź imi biźniesmienaŭ, siarod jakich jość navat dyrektar rasijskaj kampanii. Adnak u pracesie abjadnańnia roznych vytvorčaściaŭ zastałosia tolki dźvie kryminalnyja spravy, adna ź jakich znachodzicca na rasśledavańni ŭ Babrujskim mižrajonnym adździele SK, a druhaja — u centralnym aparacie Śledčaha kamiteta.

Pa pieršaj kryminalnaj spravie hałoŭnym padazravanym ličycca načalnik biuro zabieśpiačeńnia mietałam AAT «Biełšyna», jakomu inkryminujecca ździajśnieńnie złačynstva pa č.3 art.426 Kryminalnaha kodeksa (pieravyšeńnie ŭłady abo słužbovych paŭnamoctvaŭ, ździejśnienaje asobaj, jakaja zajmaje adkaznaje stanovišča, jakoje paciahnuła ciažkija nastupstvy). Pavodle źviestak pravaachoŭnych orhanaŭ, słužbovaja asoba pradpryjemstva pa zmovie ź niavyznačanymi asobami prakruciła ŭ sakaviku-listapadzie 2012 šerah sumnieŭnych apieracyj ź mietałałomam, u vyniku čaho pradpryjemstva była naniesiena škoda na bolš čym 465 miljonaŭ rubloŭ.

Pa druhoj kryminalnaj spravie hałoŭnym padazravanym prachodzić były namieśnik načalnika adździeła materyjalna-techničnaha zabieśpiačeńnia AAT «Biełšyna». Jamu inkryminujecca ździajśnieńnie złačynstva pa č.4 art.210 Kryminalnaha kodeksa Biełarusi (kradziež šlacham złoŭžyvańnia słužbovymi paŭnamoctvami, ździejśnieny arhanizavanaj hrupaj albo ŭ admysłova bujnym pamiery). Pavodle dadzienych Hałoŭnaha ŭpraŭleńnia pa baraćbie z ekanamičnymi złačynstvami (HUBEZ) MUS, padazravany pa zmovie z dvuma biznesmenami, jakija praz svaje struktury majuć dahavornyja ŭzajemaadnosiny z AAT «Biełšyna», ździejśnili kradziež srodkaŭ pradpryjemstva ŭ pamiery bolš za 514 miljonaŭ rubloŭ. Cikava, što aryštavanyja ciapier biźniesmieny apynulisia zamiašanyja i ŭ inšych schiemach kradziažu srodkaŭ biełaruskich pradpryjemstvaŭ.

Varta adznačyć, što ŭ apošni čas MUS i Śledčy kamitet nadajuć asablivuju ŭvahu jak samomu kancernu «Biełnaftachim», tak jaho pradpryjemstvam. Pačałosia ŭsio jašče ŭ sakaviku, kali USK pa Viciebskaj vobłaści pa materyjałach BEZ UUS Viciebskaha abłvykankama była zaviedzienaja kryminalnaja sprava pa č.4 art.210 Kryminalnaha kodeksa Biełarusi ŭ dačynieńni da namieśnika načalnika cecha zavoda «Palimir» AAT «Naftan». Jamu stavili ŭ vinu kradziež na sumu bolš za 80 miljonaŭ rubloŭ.

Zatym znoŭ ža ŭ sakaviku UBEP UUS Mahiloŭskaha abłvykankama znajšło złoŭžyvańni z boku dyrektara filii «Biełšyna-Ahra» AAT «Biełšyna» na 130 miljonaŭ rubloŭ. Paśla hetaha apieratyŭnyja słužby MUS pryjšli na samu «Biełšynu», a taksama pačali pryhladacca da dziejnaści kancerna «Biełnaftachim».

Novyja kryminalnyja spravy na AAT «Biełšyna» supali pa časie z zatrymańniem namieśnika staršyni kancerna «Biełnaftachim», jakomu inkryminujecca atrymańnie chabaru ŭ pamiery 19 tysiač dołaraŭ. Hetyja spravy vielmi dobra adlustroŭvajuć tendencyju.

• 0
• 0
• 0
• 0
• 0
• 0
• 0
• 0