Zvyčajnaje zatrymańnie za pjanku na vulicy skončyłasia dla hamielčuka terminam za napad na milicyjanta, piša «Biełka».
Dva siabry vypivali kala doma. Aburanyja žychary patelefanavali ŭ milicyju, i na miesca vyjechaŭ narad. Mužčyn, jakija byli ŭžo dobra pjanyja, zatrymali.
Padčas pasadki ŭ słužbovy aŭtamabil adzin z zatrymanych pasprabavaŭ udaryć milicyjaniera nahoj, ale toj uchiliŭsia. A ŭžo na hanku Navabielickaha RAUS, kudy jaho dastavili, jon padstaviŭ padnožku supracoŭniku milicyi, ad čaho toj upaŭ i paškodziŭ kalena.
Sud Navabielickaha rajona pryznaŭ mužčynu vinavatym u hvałcie i pahrozie hvałtam u dačynieńni da supracoŭnikaŭ pravaachoŭnych orhanaŭ. Jon asudžany da dvuch z pałovaj hadoŭ pazbaŭleńnia voli ŭ kałonii ŭzmocnienaha režymu. Taksama jon pavinien vypłacić supracoŭniku, jaki ŭpaŭ na hanku, kampiensacyju maralnaj škody ŭ pamiery 300 rubloŭ, paviedamiła pamočnik prakurora horada Homiela Jaŭhienija Markaviec.
Taksama za znachodžańnie ŭ hramadskim miescy ŭ stanie apjanieńnia, a taksama za abrazy na adras milicyjanieraŭ mužčyna apynuŭsia ŭ izalatary na vosiem sutak i byŭ aštrafavany na 20 bazavych vieličyń.
Kamientary