U Biełarusi ŭvodzicca licenzavańnie na tele- i radyjoviaščańnie. Heta praduhledžana ŭkazam prezidenta № 456 ad 7 kastryčnika, jaki ŭnosić źmianieńni i dapaŭnieńni ŭ niekatoryja ŭkazy. Tekst dakumienta apublikavany na Nacyjanalnym pravavym internet-partale.
Da pryniaćcia hetaha ŭkaza viaščańnie ŭ Biełarusi nie licenzavałasia.
Pavodle dakumienta, nie patrabujecca atrymańnia licenzii ŭ vypadku, kali viaščańnie tele- ci radyjoprahramy ažyćciaŭlajecca apierataram elektrasuviazi bieź źmianieńnia jaje formy i źmiestu na padstavie dazvołu na raspaŭsiudžvańnie pradukcyi zamiežnych ŚMI, atrymanaha va ŭstanoŭlenym zakanadaŭstvam paradku, abo pa dahavory ź jurydyčnaj asobaj, na jakuju ŭskładzieny funkcyi redakcyi ŚMI, ci zamiežnaj arhanizacyjaj, jakija majuć licenziju ŭ halinie viaščańnia.
Suiskalnikami licenzij na dziejnaść u halinie viaščańnia mohuć vystupać jak redakcyi ŚMI, zarehistravanyja na terytoryi Biełarusi ŭ adpaviednaści z nacyjanalnym zakanadaŭstvam, tak i pradstaŭnictvy zamiežnych srodkaŭ masavaj infarmacyi. Pavodle ŭkaza, dla śpiecyjalistaŭ, adkaznych za viaščańnie, uvodzicca kvalifikacyjny ispyt na atrymańnie licenzii.
Pry spynieńni pracoŭnaha dahavora (kantrakta) ŭ adnosinach da śpiecyjalista, adkaznaha za viaščańnie, licenzijat abaviazany ŭ miesiačny termin z dnia vydańnia adpaviednaha zahada (rasparadžeńnia) padać u Ministerstva infarmacyi źviestki ŭ piśmovaj formie ab zamienie śpiecyjalista, adkaznaha za viaščańnie. Iznoŭ pryznačanamu śpiecyjalistu, adkaznamu za viaščańnie, nieabchodna zdać kvalifikacyjny ispyt u paradku, vyznačanym Ministerstvam infarmacyi.
U adpaviednaści z ukazam hrubymi parušeńniami zakanadaŭstva ab licenzavańni, licenzijnych patrabavańniaŭ i ŭmoŭ źjaŭlajucca ažyćciaŭleńnie licenzijnaj dziejnaści «ŭ metach, što supiarečać intaresam Respubliki Biełaruś», a taksama viaščańnie tele- ci radyjoprahramy, «što źmiaščaje źviestki, raspaŭsiudžvańnie jakich zabaroniena ci abmiežavana zakanadaŭstvam».
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Kamientary