Dazavańnia preparatu «tubierkulin» pry sprobie Mantu, paśla jakoj u Prymorje (Rasija) byli špitalizavany 29 školnikaŭ, pieravyšana ŭ 2,5 tysiačy razoŭ, paviedamili ŭ Śledčym kamitecie Rasii.
U minuły paniadziełak 7 kastryčnika, navučencam 5-9 kłasaŭ ź siała Novasysojeŭka była zroblenaja pryščepka, paśla čaho dzieci stali skardzicca na hałaŭnyja boli. U ich padniałasia tempieratura, na miescy injekcyi ŭtvarylisia puchliny.
«Śledstvam ustanoŭlena, što da vakcynacyi byŭ dapuščany miedycynski rabotnik, jaki nie maje śpiecyjalnaha dopusku, a doza uviedzienaha preparatu ŭ 2,5 tysiačy razoŭ pieravysiła dapuščalnuju dozu.
Jak vynikaje z materyjałaŭ kryminalnaj spravy, preparat, uviedzieny navučencam, vypuskaŭsia ŭ suchoj formie i moh vykarystoŭvacca tolki ŭ śpiecyjalizavanych klinikach, supraćsuchotnych dyspansierach dla indyvidualnaj dyjahnostyki pa strohich miedycynskich pakazańniach i śpiecyjalna navučanym piersanałam, jaki maje dostup da pastanoŭki proby Mantu.
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami10
Kamientary