Kab iści ź im na pieramovy ab atrymańni novaha kredyta MVF.
Nacbank i Saviet Ministraŭ zaćvierdzili płan strukturnaha refarmavańnia ekanomiki Biełarusi.
Hety dakumient faktyčna aznačaje razvarot biełaruskaj ekanomiki ad inflacyjnaj madeli raźvićcia. Čynoŭniki na papiery hatovyja źmirycca z zamarudžvańniem rostu VUP i pierajści da žorstkaj ekanomii.
Płan utrymlivaje niekalki asnoŭnych pałažeńniaŭ.
1) Rezkaje skaračeńnie kredytavańnia biełaruskaj ekanomiki. Da kanca hoda pradpryjemstvy musiać atrymlivać nie bolš za 30 tryljonaŭ rubloŭ u miesiac (1% pryrostu patrabavańniaŭ bankaŭ da ekanomiki ŭ miesiac), a za ŭvieś nastupny hod pryrost patrabavańniaŭ bankaŭ pavinien skłaści nie bolš čym 52 tryljony rubloŭ.
Inšymi słovami, hrošaj na madernizacyju budzie vydavacca mienš, čym chaciełasia pradpryjemstvam.
2) Na viartańnie zamiežnych kredytaŭ Biełarusi patrebnyja hrošy. Adkul ich uziać? Da kanca hoda Biełaruś pradaść na ŭnutranym rynku ablihacyj na $500 miljonaŭ.
Apošnim časam patencyjnych pakupnikoŭ niebahata, tamu kaštoŭnyja papiery mohuć paviesić na dziaržaŭnyja banki.
3) Dadatkovy pošuk hrošaj u biudžet, kab jon sioleta atrymaŭsia biezdeficytnym. Dla hetaha
častku prybytku paprosiać nie tolki ŭ vysokarentabielnych pradpryjemstvaŭ nakštałt «Biełaruśkalija» ci «Naftana», ale i ŭ dziaržaŭnych bankaŭ i navat u Nacbanka.
Hrošy pastarajucca atrymać i z dadatkovaha prodažu ŭčastkaŭ pad katedžy — bolš za $50 miljonaŭ.
4) Padatkovaja reforma adkładzienaja na leta 2014. Tady płanujecca razhledzieć pytańnie ab uviadzieńni adzinaha padatku na majomaść, pierajści da spłaty padatku na nieruchomaść u zaležnaści ad realnaj cany abjekta, a taksama skaracić skład padatkovych ilhotaŭ.
5) Praviadzieńnie biełaruskaha i zamiežnaha IPO vysokalikvidnych AAT.
Aproč taho,
u płan zaniesienyja dziasiatki bolš abstraktnych prapanovaŭ, naprykład, pavyšeńnie piensijnaha ŭzrostu.
Z hetaj prahramaj dziejańniaŭ biełaruskija čynoŭniki źbirajucca pačać pieramovy ab vydzialeńni novaha kredytu MVF.
Ciapier čytajuć
Małady rabotnik «Minsk-Areny» pavinien zapłacić 71 miljon dalaraŭ9
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1111
Kamientary