Siabroŭka pamierłaj Anastejšy: «Pierad śmierciu jana skazała: «Kali niešta zdarycca, praciahvajcie bieź mianie»
Karespandent «Našaj Nivy» parazmaŭlaŭ ź siabroŭkaj Nasty Bruśnikinaj, zasnavalnicy erotyk-šou All Inclusive Nadziejaj Laŭkovaj, jakaja vystupała razam z Nastaj.
«Dla nas śmierć Nasty stała zusim niečakanaj, — kaža Nadzieja. — Jana nikoli nie skardziłasia na serca, a tut adbyłasia niečakanaje spynieńnie, vostraja niedastatkovaść. Nichto dahetul nie moža pavieryć».
«NN»: Vy pracavali razam ad 2010 hoda?
NŁ: Nie, u nas byŭ druhi skład, ź pieršym u Nasty byli vialikija prablemy, adnak spyniacca jana nie źbirałasia. Paru miesiacaŭ tamu jana złamała nahu, joj nakłali hips, jana pryjšła na repietycyju i kaža: «Zaraz ja hips zdymu, i budzie repietycyja». Ledź adhavaryli nie rabić hetaha. Viedajecie, što ŭ hetaj situacyi samaje strašnaje? Napiaredadni śmierci, u apošniuju noč, Nasta raptam nam skazała: «Dziaŭčaty, što b ni zdaryłasia, vy musicie praciahvać šou bieź mianie». Jana vielmi šmat ukłała ŭ hetaje šou, i chvalavałasia, što ź im moža niešta zdarycca.
«NN»: Vy budziecie praciahvać?
NŁ: Pakolki heta było važna dla Nasty, my nie admianili vystupaŭ ni ŭ subotu, ni ŭ niadzielu. Vystupali ŭ čornych kaściumach i maskach — u pamiać pra jaje. Nas nie ŭsie zrazumieli, adnak paśla toj apošniaj razmovy my nie mahli zrabić inakš.
«NN»: Zaraz vy źbirajecie hrošy dla dački Bruśnikinaj…
NŁ: Tak, Janie zaraz šeść hod, jana pajšła ŭ pieršy kłas. U Nasty była ciažkaja situacyja ŭ siamji, ja nie chaču pra heta kazać, adnak vyśvietliłasia, što jana adkryła dla dački rachunak, ź jakoha da 18-hodździa buduć iści adličeńni dla Jany. Tamu ŭsie, chto moža padzialicca hrašyma — mohuć pieravieści ich na hety rachunak.
Ciapier čytajuć
Rasijskija prapahandysty vydumali ŭdar drona pa turystyčnym aŭtobusie. Ale ŭ historyi jość zahadkavyja fury4
Kamientary