U abłasnym sudzie rasijskaha Kirava razhladałasia skarha na prysud pa «spravie Kiraŭlesa» boku abarony Alaksieja Navalnaha i Piatra Aficerava.
Nahadajem, što 18 lipienia Leninski rajonny sud Kirava pryznaŭ adnaho ź lidaraŭ rasijskaj apazicyi Alaksieja Navalnaha, a taksama Piatra Aficerava vinavatymi ŭ kradziažy majomaści kampanii «Kiraŭles» i prysudziŭ ich da piaci i čatyroch hadoŭ pazbaŭleńnia voli adpaviedna.
Pavodle viersii śledstva, Navalny i Aficeraŭ sumiesna stvaryli «Viackuju lasnuju kampaniju», jakaja pa zanižanych cenach zakuplała pradukcyju ŭ «Kiraŭlesa» i pradavała spažyŭcam ŭžo pa rynkavych.
Hetyja dziejańni źjaŭlalisia, na dumku śledstva, kradziažom lesapradukcyi ŭ asabliva bujnych pamierach šlacham rastraty. Dziaržabvinavačańnie paličyła, što Navalny byŭ arhanizataram złačynstva, a Aficeraŭ — pamahatym.
Kiraŭski abłsud siońnia moh paćvierdzić rašeńnie nižejšaj instancyi i pakinuć prysud u sile, zamianić jaho na ŭmoŭny prysud, abo apraŭdać Navalnaha i Aficerava.
U vyniku ŭ zale suda abviaścili, što prysud zamienieny: pakarańnie zamieniena na ŭmoŭnaje: Navalnamu — piać hadoŭ umoŭna, Aficeravu — čatyry hady.
Ciapier čytajuć
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1212
Kamientary