Urad vyznačyŭ miescy, dzie abaviazkova musić vieścisia videanazirańnie
Urad Biełarusi zaćvierdziŭ kryteryi adniasieńnia abjektaŭ da liku tych, jakija padlahajuć abaviazkovamu abstalavańnia srodkami sistemy videanazirańnia za stanam hramadskaj biaśpieki.
Adpaviednaja pastanova № 1164, apublikavanaja 5 studzienia na Nacyjanalnym pravavym internet -partale, ustupiła ŭ siłu 1 studzienia 2014 hoda.
Dakumient pryniaty na padstavie zahada Łukašenki ad 28 listapada 2013 h. № 527 «Ab pytańniach stvareńnia i prymianieńnia sistemy videanazirańnia ŭ intaresach zabieśpiačeńnia hramadskaha paradku».
Videanazirańnie ŭvodzicca ŭ miescach praviadzieńnia masavych mierapryjemstvaŭ, vyznačanych miascovymi vykanaŭčymi i rasparadčymi orhanami, a taksama na tych abjektach, dzie mahčyma adnačasovaje znachodžańnie 100 i bolš čałaviek.
Da abjektaŭ, jakija padlahajuć abaviazkovamu abstalavańniu srodkami sistemy videanazirańnia, adniesieny tyja, što ŭjaŭlajuć «pavyšanuju technahiennuju i ekałahičnuju niebiaśpieku, umoŭna ŭraźlivyja ŭ dyviersijnym dačynieńni, u tym liku tyja, dzie zachoŭvajucca i (abo) ekspłuatujucca radyjonuklidnyja krynicy».
Videanazirańnie pavinna abaviazkova vieścisia taksama na nastupnych abjektach:
u stacyjanarnych handlovych, u tym liku hramadskaha charčavańnia i prydarožnaha servisu; vidoviščnych (dyskateki, kulturna-zabaŭlalnyja (načnyja) kłuby); ustanovach adukacyi i achovy zdaroŭja, turystyčnych; fizkulturna-spartyŭnych (100 i bolš miescaŭ), a taksama ŭ haścinicach i internatach.
Videanazirańnie
abaviazkovaje na aŭtamabilnych darohach na ŭjeździe ŭ Minsk, administracyjnyja centry abłaściej i rajonaŭ, haradoŭ abłasnoha i rajonnaha padparadkavańnia i na vyjezdach ź ich.
Asobna prapisana abaviazkovaje abstalavańnie videanazirańniem na abjektach mietrapalitena, aŭtamabilnaha, čyhunačnaha, vodnaha i pavietranaha transpartu (aeraporty, vakzały, stancyi, stajanki, pasadačnyja płatformy, viestybiuli, tuneli, piešachodnyja šlachapravody).
Jašče adnoj pastanovaj (№ 1163 ), jakaja taksama ŭstupiła ŭ siłu 1 studzienia, urad zaćvierdziŭ pałažeńnie ab paradku pradastaŭleńnia infarmacyi, zafiksavanaj sistemaj videanazirańnia za stanam hramadskaj biaśpieki. Hetym ža dakumientam vyznačany pamier płaty za pradastaŭleńnie videainfarmacyi ŭ pamiery adnoj bazavaj vieličyni.
-
U mieduniviersitety sioleta budzie niedabor? Minzdaroŭja prakamientavała
-
Pradstaŭnik Uzbrojenych sił: Na vajskovuju adukacyju pastupajuć i chłopcy, jakija nabirajuć 400 bałaŭ z 400 mahčymych
-
Siarhiej byŭ u Połacku bieź miesca žycharstva. Majomaści nie mieŭ nijakaj, to syn praz sud vybivaŭ chacia b baćkaŭ vajskovy zarobak
Kamientary