Kala parłamienta Kryma sabrałasia kala 5000 praciŭnikaŭ i 700 prychilnikaŭ niezaležnaści
Pierad budynkam Viarchoŭnaj Rady Kryma sabrałasia ad 4 da 5 tys. krymskich tataraŭ i prychilnikaŭ ruchu «Jeŭramajdan-Krym», kab vykazać svoj pratest suprać dziejańniaŭ krymskaha parłamienta, jaki nie žadaje pryznavać novuju ŭładu va Ukrainie.
Sabrałasia 4-5 tys. čałaviek sa šmatlikimi ukrainskimi i krymska-tatarskimi nacyjanalnymi ściahami. Jany čas ad času skandujuć «Ukraina!», «Bandu heć!», a taksama «Słava Ukrainie! Hierojam Słava!», «Krym — nie Rasija!».
Razam z tym pobač z parłamientam sabrałasia 600-700 prychilnikaŭ prarasiejskich arhanizacyj i partyi «Russkoje adzinstva», kab padtrymać parłamient Kryma.
Ličby pryvodzić ahienctva «Interfaks».
Supraćlehłyja baki raździalaje dva kardony milicyi. Adnak čas ad času niekalki razoŭ byli pierarvanyja kardony, pieryjadyčna ŭźnikajuć nievialikija bojki.
Prychilniki partyi «Ruskaje adzinstva» trymajuć u rukach ściah Rasijskaj Fiederacyi.
Čas ad času krymskija tatary pastupova passoŭvajuć u bok ad krymskaha parłamienta prychilnikaŭ prarasijskich partyj.
Ciapier častka krymskich tataraŭ zastałasia pad Viarchoŭnaj Radaj Kryma, adnak im zastupiŭ šlach kardon milicyi. Uźnikła šturchanina, ludzi sprabujuć zrušyć kardon z druhoha boku, krymskija tatary sprabujuć dajści da samaha ŭvachodu ŭ Viarchoŭnuju Radu, adnak pakul heta nie atrymałasia, pierad imi jość jašče nievialikaja svabodnaja placoŭka.
U aŭtorak prezidyum krymskaha parłamienta pryniaŭ rašeńnie ab praviadzieńni ŭ sieradu pazačarhovaha plenarnaha pasiadžeńnia Viarchoŭnaj Rady Kryma.
Kamientary