U parłamiencie Kryma zajavili, što nie płanujuć adździalacca ad Ukrainy
Staršynia Viarchoŭnaj Rady Kryma Uładzimir Kanstancinaŭ zajaviŭ, što ŭ krymskim parłamiencie nie padymajuć pytańnie ab vychadzie aŭtanomii sa składu Ukrainy.
Pra heta paviedamlaje pres-centr Viarchoŭnaj Rady ARK siońnia, u sieradu.
Kanstancinaŭ nazvaŭ niedakładnaj raspaŭsiudžanuju niekatorymi ŚMI infarmacyju ab tym, što ŭ sieradu ŭ chodzie pazačarhovaha plenarnaha pasiadžeńnia parłamienta aŭtanomii płanavałasia pryniać radykalnyja rašeńni, až da vychadu Kryma sa składu Ukrainy.
U krymskim parłamiencie nie staviać pytańnie ab vychadzie Krymu sa składu Ukrainy. Heta pravakacyja z metaj dyskredytavać Viarchoŭnuju Radu aŭtanomii, pazbavić jaje lehitymnaści», - zajaviŭ jon.
Pavodle jaho słoŭ, što «hetaja pravakacyja arhanizavana i padtrymana Makiejeŭskaj kamandaj u krymskim uradzie, jakaja dziela zachavańnia ŭłady hatovaja achviaravać hramadska-palityčnaj stabilnaściu na paŭvostravie».
«Nie paddavajciesia na pravakacyi! U situcyi, što skłałasia, zachoŭvajcie spakoj i ŭzvažanaść u svaich učynkach», - zajaviŭ Kanstancinaŭ.
Ciapier čytajuć
Ukraina ŭpieršyniu adkazała na rasijskija ataki na składy «Novaj pošty» simietryčnymi ŭdarami pa chabach «Vajłdbieryz». Padmaskoŭny zhareŭ daščentu1010
Kamientary