Napiaredadni Vialikadnia piakarnia pry minskim Śviata-Jelisaviecinskim manastyry pracuje kruhłasutačna
Napiaredadni Vialikadnia ŭ piakarni pry minskim Śviata-Jelisaviecinskim manastyry — haračyja dni. Kruhłyja sutki tut vypiakajuć i ŭpryhožvajuć śviatočnyja kuličy.
Piekar Artur Sitnikaŭ ledź znajšoŭ niekalki chvilin dla intervju: «Pracujem u dźvie źmieny: 12 hadzin — dzionnaja, 12 hadzin — načnaja. Vypiakajem štodzionna kala dźviuch tysiač kuličoŭ. Nas kala dvaccaci čałaviek. Raboty niepačaty kraj, pieč kruhłyja sutki pracuje, kab zakryć patreby ŭ śviatočnych chlabach. U nas vielmi vialiki prychod, i na Vialikdzień u manastyr pryjdzie šmat naroda».
U manastyrskaj piakarni vypiakajucca kuličy roznych vidaŭ: «Manastyrski», «Damašni», «Amatarski», «Śviatočny». Ale, pavodle słoŭ Sitnikava, mohuć adroźnivacca receptury, roznym byvaje afarmleńnie, koleravaja kampazicyja, a sutnaść kuliča nie mianiajecca. Heta hałoŭny simvał Vialikadnia.
Da śviata, jakoje sioleta pravasłaŭnyja i katoliki adznačajuć 20 krasavika, minskimi chlebazavodami budzie pastaŭlena ŭ mahaziny stalicy bolš čym 180 ton kuličoŭ i kieksaŭ. Aśviačeńnie kuličoŭ, jajek i inšych vielikodnych straŭ u chramach i kaściołach Minska pačniecca siońnia, 19 krasavika.
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy20
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary