Mitrapalit Pavieł: Ukraina pakazvaje ŭsiamu śvietu prykłady vynikaŭ varožaści i nianaviści
Ukraina zaraz stała dla ŭsiaho śvietu prykładam taho, da čaho pryvodzić varožaść i nianaviść, zajaviŭ Mitrapalit Minski i Słucki Pavieł, Patryjaršy Ekzarch usiaje Biełarusi ŭ efiry telekanała ANT.
Mitrapalit taksama adznačyŭ, što supraćstajańnie va Ukrainie, u tym liku źviazana z ehaizmam: «Heta sapraŭdy zasnavana na «Ja chaču». Akramia taho, jon adznačyŭ: «Siońnia nie tolki ŭkraincy vinavatyja ŭ tym, što adbyvajecca. Vinavatyja i tyja, chto padbuchtorvaje hetuju krainu, hety narod, chto padahravaje finansava, zbrojaj i ideałohijaj…
Chočacca usich zaklikać da sumleńnia, bo ŭsie my paŭstaniem pierad Boham na Strašnym sudzie. Voś tady i adkryjecca, chto finansavaŭ, chto padtrymlivaŭ, chto padbuchtorvaŭ».
Taksama ijerarch adznačyŭ, što treba malicca za mir va Ukrainie.
U svaju čarhu Mitrapalit Minska-Mahiloŭski arcybiskup Tadevuš Kandrusievič nahadaŭ, što va Ukrainie žyvie niamała biełarusaŭ, a ŭ Biełarusi — ukraincaŭ. Akramia hetaha, žychary ŭkrainskaj dziaržavy — pa bolšaj častcy taksama chryścijanie. Ijerarch nahadaŭ, što ŭ minułym hodzie adznačałasia 1025-hodździe Chryščeńnia Rusi, jakoje pačynałasia mienavita z Kijeva.
«Kałyska — heta Kijeŭ, Dniepr — mahutny Dnipro. Jon abjadnoŭvaje Biełaruś i Ukrainu. Tamu vielmi ciažka hladzieć naviny pa telebačańni, hladzieć u Internecie, što tam adbyvajecca…», — skazaŭ arcybiskup Tadevuš Kandrusievič.
Jon taksama zaklikaŭ usich viarnucca da zapaviedzi «Lubi bližniaha svajho, jak samoha siabie».
Ciapier čytajuć
U Aleksandryi Łukašenka pasadziŭ da siabie 23‑hadovuju pryhažuniu25
U Aleksandryi Łukašenka pasadziŭ da siabie 23‑hadovuju pryhažuniu
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary