Novaja palityčnaja situacyja: jak biełaruskamu hramadstvu dziejničać va ŭmovach, kali Pucin hatovy ŭvodzić vojski ŭ adkaz na pieramieny?
Piša Ihar Machaniok.
Pucin napaŭ na Ukrainu adrazu paśla źmieny ŭłady. Vy ŭjaŭlajecie, što budzie ź Biełaruśsiu, kali ŭłada źmienicca?
Raniej my zaŭsiody zmahalisia za pieramohu demakratyčnych prazachodnich kandydataŭ i za bieł-čyrvona-bieły ściah, viedajučy, što krainie nieabchodna vyzvalacca ad pryhniotu łukašyzmu. Ale tut źjaŭlajecca źniešni faktar.
Kali ŭ Biełarusi Łukašenka pierastanie być prezidentam, to Pucin uviadzie svaje vojski praktyčna adrazu. I što budzie z krainaj? U adroźnieńnie ad Ukrainy, u Biełarusi niama lehitymnaha parłamienta, jaki budzie zmahacca za niezaležnaść. U Biełarusi niama svajoj armii — staršyja aficery VS RB prysiahali jašče SSSR i asabista Łukašenku, ale na Biełaruś im plavać. U Biełarusi rasiejskija vajennyja bazy. Pamiežnaha kantrolu niama, i ŭvajści mohuć lohka jak sotni tysiač pravakataraŭ, tak i tanki.
U Biełarusi niama takich mocnych svabodalubnych rehijonaŭ, jak Lvoŭščyna va Ukrainie. Pierajazdžać z akupavanych terytoryj nie budzie kudy. Z pašpartami Biełarusi my ŭsie budziem jak hieroj Toma Chenksa ŭ terminale.
I na fonie ŭsiaho hetaha — z Łukašenkam u nas pakul niezaležnaść. I navat kali Pucin napadzie na krainu da źmieny ŭłady, tut papularnaść Łukašenki budzie važnym dadatkovym faktaram. I kali niejki małojčyk z Rastova paviesić bieła-sinie-čyrvony ściah na vykankam, jaho aryštujuć tyja samyja mianty, jakija aryštoŭvajuć za bieł-čyrvona-bieły.
Čyrvona-zialony ściah — nie moj ściah, ale lepš jon nad budynkami Minska, a nie ściah susiedniaj dziaržavy. I kali pačniecca vajna, to naša armija abaraniać krainu budzie mienavita pad čyrvona-zialonymi ściahami. I pry takim — nie daj Boh — raźvićci padziej nam pryjdziecca pad hetym ściaham abjadnacca, jakim by saŭkovym i žachlivym jon ni byŭ.
Bieł-čyrvona-biełaja niezaležnaść, na žal, iznoŭ stanie mahčymaja tolki tady, kali pucinski režym spynić isnavańnie.
My ŭpuścili svoj šaniec u 90-ch, kali Rasija nie napadała na susiedziaŭ. Tady palaki, čechi, łatyšy, litoŭcy i estoncy paśpieli. Ciapier doŭha čakać novaha šancu.
* * *
Ihar Machaniok (nar. 1984) — vybitny biełaruski prahramist. Pracuje ŭ karparacyi Google u Ńju-Jorku.
-
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać
-
Biełarus pra adstaŭku Fiodarava: Viera ŭ niepahrešnaha technakrata nievykaranialnaja
-
Statkievič źvinavaciŭ łukašystaŭ u etnacydzie i nazvaŭ procijadździe jamu
Ciapier čytajuć
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli2
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2323
Kamientary