Heta pieršy vizit premjera ŭ hety rehijon Rasijskaj Fiederacyi.
Adnačasova ź vizitam premjer‑ministra Biełarusi ŭ Irkuck adbudziecca vizit biełaruskich dziełavych kołaŭ (pradstaŭniki AAT «Amkador», VA «BiełAZ», VA «Homsielmaš», VA «Minski traktarny zavod», AAT «Lidski małočnakansiervavy kambinat»).
Pa vynikach pierahavoraŭ praduhledžvajecca padpisańnie Pahadnieńnia pamiž Uradam Respubliki Biełaruś i Administracyjaj Irkuckaj vobłaści RF ab handlova‑ekanamičnym, navukova‑techničnym i kulturnym supracoŭnictvie, a taksama Pratakoła ab handlova‑ekanamičnym, navukova‑techničnym i kulturnym supracoŭnictvie pamiž Respublikaj Biełaruś i Irkuckaj vobłaściu RF na 2008‑2009 hady.
U studzieni — žniŭni 2007 hoda tavaraabarot pamiž Biełaruśsiu i Irkuckaj vobłaściu skłaŭ $38,3 młn. i ŭ paraŭnańni z anałahičnym pieryjadam 2006 hoda pavialičyŭsia na 68,7 pracenta; ekspart — $21,8 młn., pavialičyŭsia na 97,1 pracenta; impart — $16,5 młn., pavialičyŭsia na 41,1 pracenta.
Asnovu ekspartu Biełarusi ŭ Irkuckuju vobłaść składajuć hruzavyja aŭtamabili, šyny, traktary, sielskahaspadarčaja technika, chaładzilniki, mebla i pradukty charčavańnia.
Ź Irkuckaj vobłaści ŭ Biełaruś u studzieni — žniŭni 2007 hoda impartavalisia drot aluminijevy, celułoza draŭnianaja (rastvaralnyja hatunki), lesamateryjały raśpiłavanyja, pihmienty, nieapracavanyja škury bujnoj rahataj žyvioły, celułoza draŭnianaja (akramia rastvaralnych hatunkaŭ), palavy i płaŭnikovy špat, paraški i łuskavinki aluminijevyja.
Kamientary