Za «Navarosiju» vajujuć čačenskija sałdaty FOTY, VIDEA
Pierad prysutnymi ŭ padtrymku niezaležnaści Navarosii 25 maja ŭ Daniecku prezientavali bataljon «Uschod». Častka bajcoŭ razmaŭlała pamiž saboj na čačenskaj movie i mieli jarka vyjaŭleny kaŭkazski vyhlad.
Kadyraŭski bataljon «Uschod» budzie dapamahać miascovym apałčencam u t.zv. «vyzvalenčaj vajnie suprać fašysckaj chunty», paviedamili pierad prysutnymi sa sceny pradstaŭniki t.zv. «ŭrada» Navarosii.
Na pł. Lenina sabralisia niekalki tysiač prychilnikaŭ dałučeńnia da Rasii. Jany razmachvali dziasiatkami rasijskich ściahoŭ, vykrykvali «Rasija», «Pucin», «Słava», «Hieroi», «Pieramoha», «Fašyzm nie projdzie» i h.d.
U niadzielu tut pavinny byli adbycca vybary prezidenta Ukrainy, ale faktyčnaj ułady nad hetymi ziemlami ŭ Kijeva ŭžo niama. Miascovaja milicyja padparadkoŭvajecca ŭradu Navarosii.
Uzbrojenyja sałdaty pryjechali na płošču na BTRy i hruzavikach.
Armija Navarosii atrymałasia internacyjanalnaj. Akramia miascovych aktyvistaŭ, u jaje ŭvajšli kadyraŭcy. Siłaviki «ŭšanavali pamiać zabitych fašystami hierojaŭ» załpam ŭ pavietra.
Hetyja sałdaty tut mienavita dla hetaj misii: achoŭvać terytoryju Navarosii. Miascovyja aktyvisty, darečy, bačać svaju krainu hieahrafična značna šyrej, čym Łuhanskaja i Danieckaja vobłaści. Mahčyma, stvoranaja armija adpravicca pašyrać miežy Navarosii.
Bataljon «Uschod» (291-ha motastrałkovaha pałka 42-j hvardziejskaj motastrałkovaj dyvizii) naležyć Minabarony RF. Jaho bajcy zajmajucca praviadzieńniem śpiecyjalnych apieracyj na Kaŭkazie.
Čačency ŭžo byli zaŭvažanyja ŭ bajach suprać ukrainskaj armii ŭ Słaviansku, Kramatorsku i inšych haradach. Ministr unutranych spraŭ Ukrainy Avakaŭ asabista paćvierdziŭ hetuju infarmacyju.
Kamientary